«Երևան՝ սիրո քաղաք» սոցիալական ծրագիրը շարունակվում է. օր վեցերորդ
Արդեն վեց օր անընդմեջ շարունակվում է «Էրեբունի-Երևան 2799» միջոցառումների ծրագրով «Երևան՝ սիրո քաղաք» կարգախոսի ներքո իրականացվող սոցիալական ծրագիրը: Երևանի քաղաքապետարանի և վարչական շրջանների աշխատակիցներից բաղկացած խմբերը շրջել են Երևանի տարբեր շրջաններում, այցելել թվով 303 ընտանիք ու փոխանցել Երևանի քաղաքապետի շնորհավորանքն ու անակնկալ նվերները:
Ամփոփելով առաջին շաբաթվա տվյալները՝ որի ընթացքում «Երևան՝ սիրո քաղաք» սոցիալական ծրագրի պատասխանատուներն այցելել են 1891 ընտանիք, Երևանի քաղաքապետարանի աշխատակազմի սոցիալական ապահովության վարչության պետ Ռուզաննա Զաքարյանը նշել է.
«Ծրագրի առաջին շաբաթն անցել է ըստ նախատեսվածի. յուրաքանչյուր օր Երևանի քաղաքապետարանի գլխավոր մասնաշենքից 12 վարչական շրջաններ են ուղևորվել ծրագրի պատասխանատուները՝ շատ բարձր տրամադրությամբ և մեծ պատասխանատվությամբ:
Առաջին շաբաթվա ընթացքում այցելել ենք 1891 ընտանիք:
Մյուս շաբաթվա ընթացքում կայցելենք մնացած 908 ընտանիք:
Քաղաքապետարանի «Թեժ գիծ» ծառայությամբ շաբաթվա ընթացքում արդեն իսկ ստանում ենք շնորհակալական խոսքեր, ինչպես նաև ծրագրի մեջ ընդգրկվելու ցանկություն հայտնող քաղաքացիների զանգեր: Ծրագրի ավարտից հետո ողջ տեղեկատվությունը կամփոփվի և կուսումնասիրվի՝ հաջորդ տարվա ծրագրում ներառելու նպատակով»:
Ջերմ վերաբերմունքից և ուշադրությունից շոյված՝ ընտանիքների անդամներն իրենց շնորհակալակությունն են հայտնել ծրագրի կազմակերպիչներին՝ չմոռանալով շնորհավորել մայրաքաղաքի բոլոր բնակիչներին՝ մայրաքաղաքի ծննդյան կապակցությամբ:
«Երևանի ծննդյան առթիվ բոլոր երևանցիներին ցանկանում եմ առողջություն և երջանկություն: Նաև ցանկանում եմ, որպեսզի միշտ հոգ տանեն իրենց հարազատ քաղաքի նկատմամբ, միշտ մաքուր և գեղեցիկ պահեն այն»,- ասել է այցից անակնկալի եկած բնակիչներից մեկը:
Հատկանշական է, որ սոցիալական ծրագրում ընդգրկված են նաև գիտության, մշակույթի գործիչներ, բուժաշխատողներ, վաստակաշատ մանկավարժներ և այլն:
Ճարտարագետ և երգահան Գևորգ Կարապետյանը, ով նույնպես արժանացել է Երևանի քաղաքապետարանի անակնկալին, ծրագրի պատասխանատուներին հայտնեց Երևանի հանդեպ ունեցած իր վերաբերմունքը:
«Սիրով միշտ մասնակցել եմ մեր մայրաքաղաքի ծննդյան տարեդարձի միջոցառումներին և այս տարի ևս անպայման ներկա կլինեմ: Շատ ուրախ կլինեի, եթե բոլոր երևանցիները, մի կողմ դնելով իրենց առօրյա հոգսերը, նույնպես մասնակցեին յուրաքանչյուր տարի անցկացվող քաղաքի հիմնադրման օրվա միջոցառումներին: Սա այն տոներից, որ համախմբում է բոլորիս»:
Հիշեցնենք, որ Երևանի ծննդյան 2799-ամյակի կապակցությամբ այս տարի ծրագրում ընդգրկվել են ճիշտ այդքան թվով ընտանիքներ. նրանց անակնկալներ կմատուցվեն մինչև հոկտեմբերի 11-ը:
Երևանի քաղաքապետարանի տեղեկատվությանև հասարակայնության հետ կապերի վարչություն
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
