Եթե հայությունը վերանա, կվերանա նաև մարդկությունը, եթե հայությունը փրկվի, կփրկվի և մարդկությունը. «Փաստ»

«Փաստ» օրաթերթը գրում է.

Մեր հյուրն է պատմաբան, էզոթերիկ Գուրգեն Կարապետյանը

– Պարոն Կարապետյան, Մերձավոր Արևելքում նոր պետություն է ձևավորվելու հայտ ներկայացրել՝ Քրդստանը: Այս տարածաշրջանում և, ընդհանրապես, աշխարհաքաղաքական առումով այս փաստն ինչպիսի՞ հետևանքներ կարող է ունենալ:

– Փաստին պետք է նայել երկու տեսակետից: Նախ՝ սա բնական զարգացում է: Նույնը նաև այն, ինչ կատարվում է Կատալոնիայում: Եվ այս զարգացումները տարածվելու են նաև այլ տեղերում: Կատալոնիայի հանրաքվեից հետո այն հասնելու է Ֆրանսիա. այստեղ գլուխ է բարձրացնելու Գասկոնիան: Ապա հասնելու է Մեծ Բրիտանիա, Բելգիա:

Երկրորդը. բանն այն է, որ համաշխարհային ուժերը բնական այս պրոցեսը ցանկանում են օգտագործել իրենց շահերի համար: Դիտարկենք Ուկրաինայում ընթացող պատերազմը. այստեղ հրեաներն ուզում են ստեղծել իրենց Մեծ Խազարիա պետությունը: Նրանք բացահայտ ասել են՝ 22 միլիոն հրեաներ մինչև 2020–2022 թվականները գալու են բնակվելու Ուկրաինայի յոթ շրջաններում: Հրեաներն արդեն ուզում են իրենց Իսրայել պետությունը ոչնչացնել: Որովհետև ամեն հազար տարին մեկ հավաքվում են ու իրենց աստծուց պատգամ ստանում:

Եվ հիմա արդեն իսկ ասում են՝ Օդեսան պետք է լինի իրենց մշակութային կենտրոնը, Դոնբասը պետք է լինի իրենց քաղաքական կենտրոնը՝ մայրաքաղաքը, իսկ կրոնական կենտրոնի մասին դեռևս չեն ասում: Սակայն մշտապես խոսում են Քուռ–Արաքսյան դաշտավայրի մասին:

Եվ այն մարդկանց, ովքեր զբաղվում են այս հարցերով, խորհուրդ կտայի դնել ու համեմատել Մեծ Խազարիայի ու Քրդստանի քարտեզները: Համացանցում կան: Մեծ Խազարիայի ու Քրդստանի սահմաններն անցնում են Հայաստանի վրայով: Քրդերն արդեն հայտարարում են, որ Արարատյան դաշտը, Շիրակը, Նախիջևանն իրենց տարածքներն են: Իսկ Մեծ Խազարիան էլ ասում է, որ Զանգեզուրը, Լոռին ու Ղարաբաղն իրենն է:

Այսինքն՝ մենք չկանք: Հայաստանը «կիսում են» երկու պետություններ, որոնք ստեղծվել են ուզում նույն կենտրոնից: Իսկ բավականին ճիշտ է, երբ ասում են, թե Իսրայելն է կանգնած Քրդստանի թիկունքում:

Այսինքն՝ բնական զարգացումները նրանք ցանկանում են ծառայեցնել իրենց շահերին: Բայց դա դեմ է տիեզերական օրենքներին: եվ այս փաստերն են, որ մեր տարածաշրջանում հանգեցնելու են սարսափելի խառնաշփոթի:

– Ե՞վ… մենք ի՞նչ ենք անելու…

– Մենք արդեն չափից դուրս ուշացել ենք: Այսօր, տարբեր տվյալներով, մոտ 12 միլիոն հայ է ապրում Արևմտյան Հայաստանում: Մենք պարտավոր էինք դեռևս տարիներ առաջ կրոնական ամեն տարբերություն գցել մի կողմ և համախմբվել:

Սակայն այժմ էլ ուշ չէ: Որովհետև ասում են՝ երբ մարդ քայլեր է անում, տիեզերական օրենքները գալիս են օգնելու:

– Կրոնական ասելով ի՞նչ նկատի ունեք:

– Այն, որ Արևմտյան Հայաստանում հայերի ճնշող մեծամասնությունն այսօր կամ մուսուլման է, կամ ալավի է, կամ ծպտյալ քրիստոնյա է:

Ծանոթացնելու համար ասեմ, որ ալավիները հայ հեթանոսներն են, որոնք պայքարել են քրիստոնեական եկեղեցու կառուցվածքի դեմ՝ հանձինս պավլիկյանների ու թոնդրակյանների: Ապա, իբրև թե առերես, ընդունել են իսլամը:

Բանն այն է, որ այս մարդկանց հետ ընդհանրապես դժվար չէ լեզու գտնելը: Ընդամենը երկու բան են պահանջում մեզնից՝ կրոնական խնդիրներ առաջ չքաշել և իրենք մնան իրենց ապրելակերպին հավատարիմ. ապրում են հայկական սոցիալիզմով՝ հին հայկական ապրելաձևով:

Ինչ վերաբերում է մուսուլման հայերին, ապա նրանք բողոքում են, որ երբ ցանկանում են վերադառնալ քրիստոնեությանը, հայկական եկեղեցիներն իրենց չեն կնքում:

Դուրս է գալիս, որ Հայաստանի պետությունն ու հայաստանյան եկեղեցին աշխատում են հայության դեմ:

– Կրկին՝ հարցս. մեզ ի՞նչ է մնում անել:

– Անհրաժեշտ է, որ գոնե մի քանի հարյուր գիտակից հայեր միասին համակարգեն ու ներկայացնեն տիեզերական օրենքներն ու օրինաչափությունները: Եվ եթե այդ ինֆորմացիոն–էներգետիկ դաշտով այդքան հայեր միավորվեն, ապա այդ դաշտը կտարածվի ողջ հայության վրա: Ու մի քանի ամսում մենք կունենանք անհրաժեշտ և՛ կես միլիոնանոց բանակը, և՛ կդառնանք միավորված ազգ:

Բայց այսօր ի՞նչ է տեղի ուենում: Ընդդիմադիր խաղացողները կազմակերպված ձևով բարձրացնում են սոցիալական հարցեր: Իսկ մենք, որպես ժողովուրդ, ձևավորված չենք: Այդ իսկ պատճառով իշխանությունների հետ համատեղ հայկական ուժը ջլատում են ու հայերին հանում իրար դեմ:

Եվ եթե այսպես շարունակենք, ապա իսկապես Քրդստանի ու Մեծ Խազարիայի սահմանը կանցնի Հայաստանով, հայությունն էլ կոչնչանա: Որովհետև եթե Հայաստանում հայ չմնաց, ապա, նույն տիեզերական օրենքների համաձայն, ոչնչանալու են աշխարհում եղած բոլոր հայերը: Դա կոչվում է ասորական սինդրոմ. երբ ասորական պետությունը ոչնչացավ, մեկ միլիոնանոց բանակ ունեցող ասորիները հիսուն տարվա մեջ վերացան:

Իսկ ես վաղուց եմ ասել. եթե հայությունը վերացավ, վերանում է մարդկությունը, եթե հայությունը փրկվեց, փրկվում է և մարդկությունը: Որովհետև առանց տիեզերական ինֆորմացիա ստացող Արարատ լեռան, ընդհանրապես Արարատյան երկրի ու Հայկական լեռնաշխարհի, չկա մադկային քաղաքակրթություն:

– Ի՞նչ արագությամբ կընթանան իրադարձությունները:

– Մինչև գարուն ամեն ինչ որոշվելու է: Որովհետև դեպքերն այնպիսի արագությամբ են զարգանում, որ անգամ տեսանելի է, թե ինչպես է 3600–ամյա շարն արդեն ավարտվում: Այսինքն՝ ավարտվում է Ձկան ժամանակաշրջանը, և մարդկությունը մուտք է գործում Ջրհոսի դարաշրջան:

Քրիստոսն ինքն է ասում՝ կմտնեք քաղաք և կտեսնեք սափորով ջուր տանողին. գնացեք նրա հետևից:

 Շարունակությունը՝ «Փաստ» օրաթերթի այսօրվա համարում