Մյունխենում Հայաստանի հարցը քննարկել են առանց մեզ
Մյունխենի Անվտանգության համաժողովում, բացի ԱՄՆ փոխնախագահի աղմկահարույց ելույթն ու դրա արձագանքները, նաև այլ հարցեր են քննարկվել։ ՀՀ իշխանություններն ու հաստիքային արևտամետները պատկառելի մի առաքելությամբ էին մեկնել Մյունխեն, տեղից փորձում էին տպավորություն ստեղծել, իբր Նիկոլ Փաշինյանին ու նրա ուղեկիցներին լուրջ են ընդունել գերմանական քաղաքում։
Որ Փաշինյանին Մյունխենի օդանավակայանում դիմավորել են իրենից առաջ Գերմանիա մեկնած պաշտոնյաներն ու դեսպանատան աշխատակիցները, արդեն իսկ ծաղրի առարկա է դարձել։
Մյունխենում քննարկել են Հայաստանի և Հարավային Կովկասի հարցերը, բայց առանց մեր իշխանությունների մասնակցությամբ։
ԱՄՆ պետքարտուղար Մարկո Ռուբիոն ուրբաթ օրը Մյունխենի անվտանգության համաժողովի շրջանակում առանձին հանդիպում է ունեցել Թուրքիայի արտաքին գործերի նախարար Հաքան Ֆիդանի հետ, որի ընթացքում քննարկել է նաև Հարավային Կովկասում տիրող իրավիճակը։ Թուրքիայի ԱԳ նախարարը նաև հանդիպել է Ադրբեջանի իր պաշտոնակից Ջեյհուն Բայրամովին, օրակարգում նաև հայ-ադրբեջանական հարաբերությունների կարգավորման գործընթացն է եղել։ «Բայրամովը թուրք գործընկերոջը ներկայացրել է տարածաշրջանում տիրող իրավիճակը, ինչպես նաև Հայաստանի և Ադրբեջանի միջև խաղաղության պայմանագրի շուրջ քննարկումները», - ասված է Ադրբեջանի ԱԳՆ հաղորդագրության մեջ:
Դե, իսկ Փաշինյանն ու նրա ուղեկիցները բավարարվել են տարբեր պաշտոնյաների հետ համաժողովի կուլիսներում սելֆիներ անելով, մեկ-երկու ոչինչ չասող հանդիպումներ ունենալով։
Նարե Հակոբյան
Число покупателей и продавцов в Армении удвоилось: «Паст»
Как «чувствуют» себя компании, связанные со строительством? «Паст»
Руководитель Инспекционного органа по безопасности пищевых продуктов не только получил «sms», но ему...
Россия и Украина провели обмен пленными по формуле «205 на 205»
«Чем сильнее и могущественнее будет Россия, тем сильнее и безопаснее будет Армения»: «Паст»
Потерянные или украденные праздники.... «Паст»
Знаменитый Time Magazine коснулся Армении: что издание оценило как национальное богатство? «Паст»
Президент Союза армян Тюмени Авраам Овеян направил послание по случаю Дня Победы
«Отмена декларации - это вопрос времени»: «Паст»
Министры обороны Армении и Кипра обсудили вопросы сотрудничества
