Կոնգոյում զինյալները 170 երեխայի են բռնաբարել. ՅՈՒՆԻՍԵՖ
ՄԱԿ-ի մանկական հիմնադրամը հանքանյութերով հարուստ Արևելյան Կոնգոյի տարածաշրջանում հակամարտող երկու կողմի ներկայացուցիչներին մեղադրել է վերջին շաբաթների ընթացքում բազմաթիվ երեխաների բռնաբարության համար. այս մասին գրում է Associated Press-ը՝ մանրամասնելով, որ վերջին շրջանում զինված ապստամբները ընդլայնում են իրենց վերահսկողության տակ գտնվող տարածքը և դուրս մղում կառավարական ուժերին:
Մեղադրանքը հնչել է այն ֆոնին, երբ տարածաշրջանում լարվածության նվազման նշաններ չեն երևում: ՅՈՒՆԻՍԵՖ-ը հայտարարել է, որ երեխաներին բռնաբարած հանցագործները, ըստ երևույթին, եղել են ինչպես M23 ապստամբներից, այնպես էլ նրանց դեմ պայքարող կառավարական ուժերից:
«Հյուսիսային և հարավային Կիվու նահանգներում մենք սարսափելի տեղեկություններ ենք ստանում հակամարտող կողմերի ներկայացուցիչների կողմից երեխաների նկատմամբ կոպիտ խախտումների մասին, ներառյալ բռնաբարություն և սեռական բռնության այլ ձևերը... Մի մայր մեր աշխատակիցներին պատմել է, թե ինչպես են իր վեց դուստրերը, որոնցից ամենափոքրն ընդամենը 12 տարեկան է, սնունդ փնտրելիս պարբերաբար բռնաբարվել են զինված մարդկանց կողմից», - ասել է ՅՈՒՆԻՍԵՖ-ի գործադիր տնօրեն Քեթրին Ռասելը:
Տարածաշրջանի առողջապահական հաստատությունները մեկ շաբաթվա ընթացքում՝ հունվարի 27-ից մինչև փետրվարի 2-ը, գրանցել են բռնաբարության 572 դեպք, ինչը ավելի քան հինգ անգամ ավել է նախորդ շաբաթվա համեմատ, Associated Press-ին ասել է Կոնգոյում ՅՈՒՆԻՍԵՖ-ի հաղորդակցության բաժնի ղեկավար Լիան Գաթչերը:
Նրանցից 170-ը երեխաներ էին, հավելել է նա: Բռնաբարություններն իրականացրել են զինված մարդիկ, սակայն պարզ չէ, թե կոնկրետ որ զինված խմբին կամ բանակին են պատկանում դրանք, ընդգծել է Գաթչերը:
«Կասկածներ կան, որ հակամարտող բոլոր կողմերը նման սեռական բռնություն են գործել», - հավելել է նա։
Ռուանդայի կողմից աջակցվող M23 ապստամբներն ամենահայտնին են ավելի քան 100 զինված խմբավորումներից, որոնք պայքարում են Կոնգոյի հանքանյութերով հարուստ արևելյան տարածաշրջանը վերահսկելու համար. այս հակամարտությունը տասնամյակներ է շարունակվում և ստեղծել է աշխարհի ամենամեծ հումանիտար ճգնաժամերից մեկը: Հունվարի վերջին ապստամբները գրավել են Գոման՝ տարածաշրջանի ամենամեծ քաղաքը:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
