«Սահմանազատման անվան տակ Տավուշում հողեր են հանձնելու». Ոսկան Սարգսյան
Լրագրող Ոսկան Սարգսյանի ֆեյսբուքյան գրառումը. «Նշաններ կան, որ սահմանազատման անվան տակ առաջիկայում Տավուշում հողեր են հանձնելու
Հունվարի 27-ից մինչև փետրվարի 10-ին Տավուշի մարզպետ, Նիկոլ Փաշինյանի դասընկեր, նրա քավոր Հայկ Ղալումյանը Նիկոլ Փաշինյանի որոշմամբ գտնվելու է արձակուրդում։ Դա կարող է կապված լինել այն բանի հետ, որ Կիրանցի հողերը սահմանազատման անվան տակ Ադրբեջանին հանձնելու գործում ակտիվ մասնակցություն ունեցած, այդ առթիվ Կիրանցի բնակիչներին հետ վեճերի մեջ մտած Հայկ Ղալումյանը ցանկանում է հողերի հերթական հանձնման ժամանակ գտնվել արձակուրդում, որ հետո արդարանա, որ այդ գործին մասնակից չի եղել։ Ո՞վ է ձմռան կեսին կես ամսով արձակուրդ գնում։ Հուվարի 24-ի երեկոյան Նոյեմբերյանի Բարեկամավան գյուղի սահմանագոտում ականի պայթյունից վիրավորվել է սակրավորների Էջմիածնի ստորաբաժանման զինծառայողներից մեկը,նրա ոտնաթաթը պոկվել է։ Այդ մասին ՀՀ ՊՆ-ն մինչ այժմ հաղորդագրություն չի տարածել։ Սակրավորը Նոյեմբերյանի սահմանագոտում ի՞նչ աշխատանքներ էր կատարում, որ վիրավորվել է ականի պայթյունից։ Տավուշի մարզպետարանի պաշտոնական կայքը տեղեկացնում է, որ հունվարի 27-ին , ժամը 17-ին նշանակված է Իջևան համայնքի ավագանու արտահերթ նիստ, որի օրակարգում, այլ հարցերից զատ, հետևյալ 2 հարցերն են՝ Տավուշի մարզի Իջևան համայնքի վարչական սահմաններում գտնվող, պետական սեփականություն հանդիսացող գյուղատնտեսական նպատակային նշանակության, արոտավայրեր և այլ հողատեսքեր գործառնական նշանակության, 394.381 հա մակերեսով հողամասերը, սահմանափակ օգտվելու իրավունքով /սերվիտուտ/ օգտագործման տրամադրելու մասին։
. Տավուշի մարզի Իջևան համայնքի վարչական սահմաններում գտնվող, համայնքային սեփականություն հանդիսացող գյուղատնտեսական նպատակային նշանակության, արոտավայրեր և այլ հողատեսքեր գործառնական նշանակության, 506.2993 ա մակերեսով հողամասերը, սահմանափակ օգտվելու իրավունքով /սերվիտուտ/ օգտագործման տրամադրելու մասին։ Ինչո՞ւ է սերվիտուտ կիրառվում պետական սեփականություն հանդիսացող 394 հեկտար և համայնքային սեփականություն հանդիսացող 506 հեկտար հողերի հանդեպ, ի՞նչ հրատապություն կա համայնքի ավագանու արտահերթ նիստ հրավիրելու։ Երևանում հասարակական տրանսպորտի սակագնի թանկացման հետ կապված աղմուկը կարող է ուշադրություն շեղող լինել Տավուշում սահմանազատման անվան տակ նոր հողեր հանձնելու գործընթացից»:
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
В Ширакской области правоохранители проводятся обыски в офисе «Сильной Армении»: есть задержанные
