«Այն, ինչ անում են Հայաստանի իշխանությունները, որևէ կապ չունի հայ ժողովրդի հետ». «Փաստ»
«Փաստ» օրաթերթը գրում է.
Հայաստանի բնակչության 65-70 տոկոսը, ըստ սոցհարցումների, ոչ միայն դեմ է Ռուսսաստանի և ռուս ժողովրդի հետ հարաբերությունների վատացմանը, այլև ընդհակառակը՝ ցանկանում է հնարավորինս ավելի սերտացնել այդ հարաբերությունները:
Այս մասին երեկ հայտարարել է «Համահայկական ճակատ» շարժման առաջնորդ, ՀՀ պաշտպանության նախկին նախարար, գեներալմայոր Արշակ Կարապետյանը՝ ռուսաստանյան «Ազգային անվտանգության մարտահրավերները» հաղորդման շրջանակներում հարցազրույց տալով «Կրասնայա զվեզդա» մեդիահոլդինգի վերլուծական ռադիոհաղորդումների տնօրինության ղեկավար Աննա Շաֆրանին: Ավելին, Կարապետյանը նշել է, որ այդ հարցումն անցկացվել է ամերիկյան կազմակերպության կողմից, իսկ հարցման տվյալներից ապշած են մնացել նույնիսկ ԱՄՆ հատուկ ծառայություններում, թե ինչպես է նման արդյունք գրանցվել այսքան տոտալ քարոզչությունից հետո:
Արշակ Կարապետյանն անդրադարձել է ԱՄՆ-ի հետ ռազմավարական համագործակցության համաձայնագրի ստորագրմանը՝ նշելով, որ դա իրավաբանորեն որևէ պարտավորվածություն չի ենթադրում կողմերի համար: «Դա, ըստ էության, քաղաքական հայտարարություն է, ոչ ավելին: Կարող էին ոչինչ էլ չստորագրել, երկուսով ասուլիս տալ և հայտարարություն անել, իմաստային առումով բան չէր փոխվի»,-ասել է գեներալը:
Միևնույն ժամանակ նա նշել է, որ այդ փաստաթղթով ԱՄՆ-ն առաջ է տանում իր շահերը, այնինչ Հայաստանի շահերը նկատելի չեն: ԱՄՆ-ն փորձում է հասանելիություն ստանալ Հայաստանի բոլոր ոլորտներին, որտեղ հետաքրքրություններ ունի, իսկ ռուսական ռազմական ներկայության հեռացմանը հասնելուց հետո Հայաստանի նկատմամբ հետաքրքրությունը իսպառ կվերանա:
Ի դեպ, խոսելով այն մասին, որ Բլինքենը հայտարարել է, թե Հայաստանում ժողովրդավարության առումով առաջընթաց կա, Կարապետյանը նշել է. «Այդ տրամաբանությամբ կարո՞ղ եմ ենթադրել, որ բոլոր քաղաքական գործիչների նկատմամբ քրեական հետապնդումները ԱՄՆ-ի ցուցումով են արվել»:
Ինչ վերաբերում է Հայաստանի՝ արտաքին վեկտորի փոփոխությունների ձգտմանը, ըստ այդմ այժմ արդեն նկատելի միտումներին, այդ թվում՝ Հայաստանի ու հայ ժողովրդի մենթալիտետին անհարիր «բարեփոխումներին», և ընդհանրապես՝ Հայաստանի իշխանությունների քայլերին, ապա Արշակ Կարապետյանն ասել է. «Այն, ինչ անում են Հայաստանի իշխանությունները, որևէ կապ չունի հայ ժողովրդի հետ»:
Մանրամասները՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
