Ո՞ւմ նախաձեռնությունն է Արշակ Կարապետյանի, Միքայել Աջապահյանի ու Ալբերտ Բազեյանի մասնակցությամբ խորհուրդ ստեղծելու գաղափարը. «Փաստ»
«Փաստ» օրաթերթը գրում է.
Օրերս հայտնի դարձավ, որ ստեղծվել է «Համահայկական միասնության խորհուրդ», որում ներգրավված են «Համահայկական ճակատ» շարժման առաջնորդ, ՀՀ պաշտպանության նախկին նախարար, գեներալմայոր Արշակ Կարապետյանը, Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանը և ԱԺ նախկին փոխնախագահ, Երևանի նախկին քաղաքապետ Ալբերտ Բազեյանը:
Համապատասխան հայտարարության տարածումից հետո Միքայել արքեպիսկոպոսն ասել էր, որ իրեն դիմել են, խնդրել են լինել իրենց հոգևոր պատասխանատուն, հոգևոր խորհրդատուն, ինքն էլ ասել է՝ խնդրեմ, սիրով։
Այս թեմայի հետ կապված՝ «Փաստին» ուշագրավ մանրամասներ են հայտնի դարձել: Պարզվում է՝ «Համահայկական միասնության խորհուրդ» ստեղծելու գաղափարը «Հայրենիքի նվիրյալ պահապաններ» անունը կրող երիտասարդական կազմակերպության անդամներինն է: Այդ երիտասարդներն էլ հենց բանակցել են թե՛ Արշակ Կարապետյանի, թե՛ Միքայել Աջապահյանի, թե՛ Ալբերտ Բազեյանի հետ: Ավելին, հենց նրանք էլ կազմել են նշյալ հայտարարության տեքստը, որը համաձայնեցրել են երեք կողմի հետ: Մեր տեղեկություններով, տեքստի շուրջ համաձայնության գալուց հետո տեղի է ունեցել հանդիպում, որին Արշակ Կարապետյանը մասնակցել է տեսակապի միջոցով:
Ինչ վերաբերում է Միքայել արքեպիսկոպոսին, ապա մեր աղբյուրները փոխանցում են, որ նա իսկապես նշել է, որ ինքը քաղաքականությամբ չի զբաղվում, և համաձայնել է ներգրավվել այդ խորհրդում՝ որպես հոգևոր խորհրդատու: Իշխանական քարոզիչները փորձեցին այս հարցում էլ «պղտոր ջրում ձուկ բռնել», սակայն իրականում որևէ ինտրիգ չկա. Աջապահյանը ևս նախապես տեղյակ է եղել այդ հայտարարությանը, ապա և մասնակցել է վերը նշված ամփոփիչ հանդիպմանը, որից հետո էլ հայտարարությունը տարածվել է հենց նշյալ երիտասարդների կողմից: Մյուս թիմերը պարզապես արտատպել են «Հայրենիքի նվիրյալ պահապանների» տարածած տեքստը։
Մեր աղբյուրների փոխանցմամբ, այդ խորհրդում դերաբաշխումները շատ հստակ են արվել, բոլորն ունեն իրենց հստակ անելիքները, և դա նույնպես նախապես համաձայնեցված է բոլորի հետ:
Մանրամասները՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
