Վերականգնվող էներգիայի աղբյուրներն այժմ ապահովում են ԱՄՆ-ի էներգիայի ավելի քան 30 %-ը
ԱՄՆ-ի Էներգետիկայի կանոնակարգման դաշնային հանձնաժողովը (FERC) և Էներգետիկ տեղեկատվության վարչությունը (EIA) հրապարակել են զեկույցներ, որոնք ցույց են տալիս վերականգնվող էներգիայի աղբյուրների մասնաբաժնի աճը երկրում արտադրվող էլեկտրաէներգիայի ընդհանուր ծավալում։ Վերականգնվող աղբյուրների (բիոմասայի վերամշակում, երկրաջերմային և արևային էներգիա, հիդրոէներգիա և քամու գեներացում) մասնաբաժինն ԱՄՆ-ի արդյունաբերական գեներացիայի ընդհանուր ծավալում գերազանցել է 30 %-ը և մինչև 2027 թվականի ավարտը կաճի մինչև 37 %-ի:
Բացի այդ, այս տարվա առաջին 10 ամիսների ընթացքում վերականգնվող աղբյուրներին բաժին է հասել երկրում արտադրված էներգիայի 24 %-ը։ Հոկտեմբերը դարձել է տասնչորսերորդ ամիսն անընդմեջ, երբ արևային էներգիան եղել է նոր հզորությունների ամենամեծ աղբյուրը, ինչը նրան երկրորդ տեղն է ապահովել երկրում՝ զիջելով միայն բնական գազին։ 2024 թվականի առաջին տասն ամիսների ընթացքում վերականգնվող էներգիայի աղբյուրները կազմել են նոր գեներացված հզորությունների ավելի քան 90 %-ը:
FERC-ի տվյալներով՝ հոկտեմբերին շահագործման է հանձնվել 41 արևային էներգիայի օբյեկտ՝ 1970 ՄՎտ ընդհանուր հզորությամբ, ինչպես նաև երեք քամու էներգիայի օբյեկտ՝ 174 ՄՎտ հզորությամբ։ Այս օբյեկտներին բաժին է հասել նոր գեներացված հզորությունների 99,9 %-ը, որոնք շահագործման են հանձնվել ամսվա ընթացքում։ Նոր էներգետիկ օբյեկտները, որոնք աշխատում են բնական գազով, արտադրել են ընդամենը 3 ՄՎտ էներգիա:
2024 թվականի առաջին տասն ամիսների ընթացքում արևային և քամու էներգիան ավելացրել են համապատասխանաբար 21425 ՄՎտ և 2799 ՄՎտ հզորություններ։ 213 ՄՎտ հիդրոէներգիայի և 6 ՄՎտ բիոմասայի վերամշակման հետ միասին, 90,5 % ավելացված հզորությունը բաժին է ընկնում վերականգնվող էներգիայի աղբյուրներին։ Արևային էներգիան կազմել է նոր հզորությունների 91,8 %-ը հոկտեմբերին և 79,3 %-ը առաջին տասն ամիսների ընթացքում։ Արևային էներգիան շարունակում է մնալ նոր գեներացված հզորությունների ամենամեծ աղբյուրը 2023 թվականի սեպտեմբերից՝ 14 ամիս անընդմեջ։
Ներկայումս արևային և քամու էներգիան կազմում են ԱՄՆ-ի ընդհանուր գեներացված հզորությունների 21,2 %-ը։ Սակայն գեներացված արևային էներգիայի մոտավորապես մեկ երրորդը բաժին է ընկնում փոքր համակարգերին, օրինակ՝ տների տանիքներում տեղադրված համակարգերին, որը չի արտացոլված FERC-ի զեկույցում։ Նման համակարգերի հաշվարկով՝ արևային և քամու էներգիայի մասնաբաժինը մոտենում է ԱՄՆ-ում գեներացված ընդհանուր էներգիայի քառորդին։
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ Info@solaron.am
Логистические «войны»: какую позицию должна занять Армения? «Паст»
Власти пользуются минимальной поддержкой: что может сделать оппозиция? «Паст»
А Никола Пашиняна не интересует, как центры визовой поддержки обращаются с гражданами: «Паст»
Трамп: США не заключат соглашение с КНР до устранения торгового дефицита
Рютте заявил, что РФ должна «сделать больше» для прекращения войны в Украине
Глава МО Израиля заявил о прямых связях ХАМАС и Ирана
Пытаются стереть не только прошлое, но и все возможности будущего: «Паст»
Вот каково «лицо» страны-противника в России: «Паст»
«Государство должно поддерживать экспортный бизнес и не мешать». По мнению главы «Спайки», ЕС не явл...
Образовательная поездка в Дубай: Эксклюзивная инициатива Фонда «Музыка для будущего» для молодых муз...
