ԵԱՏՄ-ն ապահովում է մասնակից երկրների տնտեսությունների զարգացման դինամիկան. Փաշինյան
ԵԱՏՄ-ի գործունեությունը լրացուցիչ ազդակ է հաղորդել անդամ երկրների տնտեսական համագործակցության զարգացմանը։ Այս մասին հայտարարել է ՀՀ վարչապետ Նիկոլ Փաշինյանը Մոսկվայում ԵԱՏՄ միջկառավարական խորհրդի նիստի ժամանակ:
«Ժամանակակից իրողությունների պայմաններում ԵԱՏՄ գործունեությունը լրացուցիչ խթան է հաղորդել անդամ պետությունների միջև տնտեսական համագործակցության զարգացմանը՝ ապահովելով տարբեր մասշտաբներով ներդրում մեր պետությունների տնտեսական աճի դինամիկայում»,-հայտարարել է Փաշինյանը։
Նրա խոսքով ՝ ԵԱՏՄ անդամ պետությունների տարածքներում ապրանքների, ծառայությունների, կապիտալի և աշխատուժի տեղաշարժի ազատությունը հիմնարար սկզբունք է։ Համագործակցության արդյունավետության գնահատման առանցքային չափանիշներից է մնում փոխադարձ առևտրում խոչընդոտների բացահայտումն ու վերացումը, ինչն ամրագրված է հայկական նախագահության առաջնահերթ ուղղություններով:
«Այս համատեքստում մենք դրական ենք գնահատում հանձնաժողովի (Եվրասիական տնտեսական-խմբ.) ջանքերը դինամիկայի վերլուծության և խոչընդոտների առաջացման և վերացման առանցքային միտումների բացահայտման ուղղությամբ», - նշել է Փաշինյանը:
Նա հավաստիացրել է, որ շարունակական աշխատանքը մշտապես մնում է Հայաստանի ուշադրության կենտրոնում, և դրա վերջնական նպատակը միության երկրների բիզնեսի զարգացման համար նոր հնարավորությունների ստեղծումն է:
Փաշինյանը նշել է, որ կարևորում է նաև էլեկտրոնային առևտրի զարգացման համար բարենպաստ պայմանների ստեղծման ճանապարհային քարտեզի արդյունավետ իրականացումը:
Հայաստանի վարչապետը հավելել է, որ ԵԱՏՄ նպատակների և խնդիրների իրականացման տեսանկյունից առանցքային տարր է դարձել կոոպերացիոն նախագծերին ֆինանսական աջակցության մեխանիզմի գործարկումը:
«Սա նշանակալի քայլ է մեր պետությունների արդյունաբերության մրցունակության բարձրացման ուղղությամբ և ճիշտ մոտեցման դեպքում կարող է նպաստել բարձր տեխնոլոգիական արտադրությունների ստեղծմանը և արդյունաբերական կոոպերացիայի ընդլայնմանը։ Մենք աջակցում ենք այս մեխանիզմի հնարավորությունների մասին տեղեկացվածությանը՝ նպատակ ունենալով Հայաստանից ձեռնարկությունների մասնակցությունը հեռանկարային կոոպերացիոն նախագծերին։ Մեր երկրի արդյունաբերական ներուժը, ներառյալ ոսկերչությունը և դեղագործությունը, ինչպես նաև ագրովերամշակումը, զարգացման զգալի հեռանկարներ ունի այլ պետությունների գործընկերների հետ համագործակցության շրջանակներում», - ասել է Փաշինյանը։
Экологическая «революция» в Сюнике: как удалось избавить деревни от заботы о дровах? «Паст»
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Армянские вина получили высокую оценку авторитетного издания Robert Parker Wine Advocate
Нет мандата, «выданного народом»: «Паст»
Боррель: расширение функций ЕК привело к полному хаосу во внешней политике ЕС
Молдавские уроки: почему правительство Армении не уходит? «Паст»
