Կոնվերս Բանկը և IFC-ն միավորում են ջանքերը՝ խթանելու փոքր և միջին բիզնեսի զարգացումը Հայաստանում
Կոնվերս Բանկը և Միջազգային ֆինանսական կորպորացիան (IFC) հայտարարում են համագործակցության մասին, որն ուղղված է Հայաստանում փոքր և միջին ձեռնարկությունների (ՓՄՁ) համար ֆինանսական միջոցների հասանելիության բարձրացմանը: Համագործակցության շրջանակում IFC-ն Կոնվերս Բանկին կտրամադրի երաշխիք՝ 10 մլն ԱՄՆ դոլարին համարժեք վարկային պորտֆելի վերադարձելիության ռիսկը 50%-ով չեզոքացնելու համար:
Կոնվերս Բանկն առաջին ֆինանսական կառույցներից մեկն է Հայաստանում, ում հետ IFC-ին համագործակցում է ՀՀ-ում ֆինանսական այս գործիքը ներդնելու հարցում:
Փոքր և միջին ձեռնարկությունները տնտեսական աճի, նորարարության և զբաղվածության հիմնական շարժիչ ուժերն են Հայաստանում և ապահովում են աշխատատեղերի գերակշռող մասը: Սակայն նրանք բախվում են 1.1 միլիարդ ԱՄՆ դոլարի ֆինանսավորման պակասի հետ, այդ թվում պայմանավորված այնպիսի մարտահրավերներով, ինչպիսիք են գրավի և ֆինանսական սահմանափակ հնարավորությունները:
«Մենք մեկնարկում ենք համագործակցություն Կոնվերս Բանկի հետ՝ լրացնելու համար Հայաստանի փոքր և միջին բիզնեսի ֆինանսավորման պակասը։ Այս համագործակցությունը հանդիսանում է ռիսկերի փոխհատուցման` IFC-ի առաջին գործիքներից մեկը երկրում: Այն նպատակ ունի աջակցել այդ բիզնեսներին, այդ թվում՝ կանանց կողմից կառավարվող ձեռնարկություններին և գյուղատնտեսության ոլորտին՝ խթանելով կայուն աճն և նորարարությունը», – նշել է Մարսելո Կաստեժանոսը՝ Եվրոպայում IFC-ի ֆինանսական հաստատությունների խմբի տարածաշրջանային գլխավոր մենեջերը։
IFC-ի երաշխիքով ապահովված պորտֆելի 75%-ը ուղղվելու է վարկառուների թիրախային խմբերի ֆինանսավորմանը, ինչպիսիք են կանանց կողմից տնօրինվող ձեռնարկությունները, գյուղատնտեսության, առողջապահության, կրթության ոլորտներում կամ գյուղական համայնքներում գործող ՓՄՁ-ները, ինչպես նաև էներգաարդյունավետ ծրագրերի իրականացումը:
Կոնվերս Բանկի Գլխավոր գործադիր տնօրեն Անդրանիկ Գրիգորյանն իր խոսքում նշեց. «Ուրախ ենք հայտնել այս նորարարական ծրագրի շրջանակում IFC-ի հետ մեր համագործակցության մեկնարկի մասին: Սա կարևոր քայլ է՝ ուղղված Հայաստանի փոքր և միջին բիզնեսի համար ֆինանսավորման հնարավորությունների ընդլայնմանը՝ նպաստելով վերջիններիս կայուն զարգացմանը և աճին: Այս համագործակցության շնորհիվ մենք կկարողանանք ընդլայնել մեր վարկավորման ծավալները հատկապես տնտեսության թերսպասարկվող խմբերում ընդգրկված ՓՄՁ-ներին, միևնույն ժամանակ նվազեցնելով մեր ՓՄՁ պորտֆելի վարկային ռիսկերը»:
Կոնվերս Բանկի մասին
Կոնվերս Բանկը հանդիսանում է դինամիկ զարգացող ունիվերսալ բանկ, որի հիմնական գործունեությունն ուղղված է մանրածախ բիզնեսի և ՓՄՁ-ների ֆինանսավորմանը: Բանկը մատուցում է մանրածախ, կորպորատիվ ու ներդրումային ֆինանսական ծառայությունների լայն շրջանակ թե ֆիզիկական անձանց, թե բիզնեսին իր ընդարձակ ցանցի միջոցով, որը ներառում է Բանկի 34 մասնաճյուղերը մոբայլ և առցանց բանկային ծրագրերի հետ միասին:
IFC-ի մասին հավելյալ տեղեկատվության համար խնդրում ենք այցելել www.ifc.org
«Государство должно поддерживать экспортный бизнес и не мешать». По мнению главы «Спайки», ЕС не явл...
Результаты голосования также были выражением отношения общества к внешней политике: «Паст»
Образовательная поездка в Дубай: Эксклюзивная инициатива Фонда «Музыка для будущего» для молодых муз...
Крайний срок всеобщего декларирования пока не изменился, а граждане повсеместно бойкотируют систему:...
Почему игнорируются многодетные семьи? Они не получают ни положительного, ни отрицательного ответа о...
Власти пользуются минимальной поддержкой: что может сделать оппозиция? «Паст»
Пытаются стереть не только прошлое, но и все возможности будущего: «Паст»
Тяжелые последствия безнаказанности: «беспредел» никогда не приводит к хорошему результату, в том чи...
Позиции Роберта Кочаряна укрепились: «Паст»
Как защитить свои банковские счета и электронные кошельки
