Եթե Թուրքիան գրավի Հալեպը, ուրեմն նա գնում է դեպի Օսմանյան կայսրության սահմանների վերականգնում
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Սիրիահայ լրագրող Հովիգ Շեհիրեանը «Հրապարակի» հետ զրույցում տեղեկացրեց, որ Հալեպի հայ համայնքը կենցաղային անհրաժեշտությունները ապահովելու հարցերով է զբաղված՝ հաց, ջուր, վառելանյութ են գնում:
«Տեղի են ունենում հոգեհանգիստներ, պատարագ է տեղի ունեցել, ջրօրհներգ: Միակ հարցը, որ մտահոգիչ է, որ իրենք չգիտեն, թե ինչ է լինելու, կարո՞ղ են արդյոք իրենց վաճառատները, արհեստանոցները բացել ու աշխատել, չէ որ հավաքած գումարն են հիմա ծախսում, եթե դա վերջանա, ի՞նչ են անելու՝ այս անորոշությունն է, որ մարդկանց ամենաշատն է մտահոգում: Ու սա ոչ միայն հայերին է մտահոգում, այլև Հալեպում ապրող բոլոր մարդկանց: Հայ համայնքը բավական օգնություններ է փորձում կազմակերպել՝ հացի մատակարարում, սննդի տուփեր բաժանել: Հայ ավետարանական համայնքն է այսօր բաժանել և նյութական աջակցություն են փորձում հատկացնել: Արամ Կարթողիկոսի ուղղորդմամբ Հալեպի Բերիո թեմը պիտի սկսի նյութական օժանդակություններ հատկացնել ընտանիքներին՝ ըստ կարողության անշուշտ»,- ասաց Շեհիրեանը:
Սիրիահայ լրագրողից հետաքրքրվեցինք, զինյալների վերահսկողությունը Հալեպում հաստատելուց հետո մի շարք հայտարարություններ եղան Հալեպի՝ թրքական ազդեցության տակ վերադառնալու մասով, այդ հայտարարություններին սիրիական հանրությունն ինչպե՞ս է վերաբերվել, ասաց․ «Բոլոր սիրիացիները՝ իրենց բոլոր պատկանելիություններով, բոլոր տարբերություններով հերքեցին, դատապարտեցին այդ հայտարարությունները։ Եթե Թուրքիան գրավի Հալեպը, ուրեմն նա պատրաստ է գրավել Մոսուլը և այն բոլոր հողերը, որոնց մասին երազում է՝ Օսմանյան կայսրության սահմանները վերականգնելու համար: Հետևաբար դա անընդունելի է, դատապարտելի է: Մինչ օրս դատապարտումը լրատվամիջոցներով, մեդիայով է տեղի ունենում, բայց պաշտնական դատապարտում չեմ տեսել»,-եզրափակեց սիրահայ լրագրողը։
Հիշեցնենք, որ զինյալների վերահսկողության տակ անցնելուց հետո Հալեպի հայտնի պատմական բերդի պարսպից Թուրքիայի դրոշն էին կախել, իսկ Էրդողանի դուստրը շտապել էր այդ նկարով կիսվել ու իր ուրախությունն արտահայտել առ այն, որ թուրքական դրոշը «վերջապես վերադարձավ Հալեպի նահանգ»:
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Бывшие руководители Словакии требуют от Никола Пашиняна прекратить политические преследования и давл...
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
Мы не хотим, чтобы сатана, пришедший к власти, судил христиан за их поступки
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
День благодарности клиентам - на этот раз в филиале IDBank «Эребуни»
