Վիրուսային հիվանդություն Կոտայքում. «Փաստ»
«Փաստ» օրաթերթը գրում է.
Հիվանդանոցները լեփ–լեցուն են, բուժանձնակազմն անգամ չի հասցնում սպասարկել հիվանդներին. «Փաստ» օրաթերթին ահազանգեցին Կոտայքի մարզի Աբովյան քաղաքի բնակիչները:
1–5 տարեկան երեխաների մոտ բարձր ջերմություն է նկատվում: Մեզ դիմած քաղաքացիների խոսքով՝ անհայտ վիրուսն ախտահարում է շնչառական և մարսողական համակարգերը: Ալերգիկ ցան, փսխում, լուծ, շնչառության դժվարացում. սրանք այն ախտանիշներն են, որոնց գանգատով դիմում են հիվանդանոցներ: Մեզ ահազանգած կինն ու թոռները նույն գանգատներով են հիվանդանոց դիմել: Օրեր առաջ են հանգստյան վայրից վերադարձել, մտածել են, թե ինչ– որ վիրուսով են վարակվել, բայց բժիշկները նրանց այլ պատասխան են տվել:
«Ասել են՝ տեղական վարակ է, ինչ– որ վիրուս: Ես երեխային հիվանդանոց տարա բարձր ջերմությամբ, բժիշկն ասաց՝ վիրուս է, շատ են հիվանդները: Ինչ վիրուս է՝ ոչինչ չասացին: Վարակի մասին ոչ մի տեղեկություն չտվեցին հիվանդանոցում»,– տեղեկացրեց մեր զրուցակիցը:
Նման գանգատներով Եղվարդից, Աբովյանից ու Երևանից բազմաթիվ քաղաքացիներ են դիմել նաև «Շենացնենք մեր գյուղը» հասարակական կազմակերպությանը: Կազմակերպության ղեկավարն էլ խնդրի մասին բարձրաձայնել և նամակով դիմել է առողջապահության նախարար Լևոն Ալթունյանին: Նախարարին ուղղված պատասխանին են սպասում: Առողջապահության նախարարությունից «Փաստ»–ին հայտնեցին, որ յուրաքանչյուր տարի այս սեզոնին, կապված ջերմաստիճանի փոփոխության հետ, դիտվում է վիրուսների աշխուժացում՝ պայմանավորված սուր շնչառական վարակների հարուցիչների (ոչ գրիպի) ակտիվությամբ։ Առողջապահության նախարարությունը հորդորում է բնակչությանը խուճապի չմատնվել և ջերմություն, հազ ունենալու դեպքում դիմել բժշկի:
Իսկ Աբովյանի «Ռուբիկ Հարությունյանի» անվան բժշկական կենտրոնից փոխանցեցին, որ սուր շնչառական վարակների բռնկում չկա: «Ամենօրյա հիվանդների քանակ է մեզ մոտ: Նման համաճարակային բնույթի դեպքեր չունենք արձանագրված: Մեծ քանակի հիվանդներ չկան»,– պնդեցին Աբովյանի բժշկական կենտրոնից:
Շարունակությունը՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
