Արգինայի ջրանցքում ձկների մասսայական անկումը սեզոնային շարժի արդյո՞ւնք. «Փաստ»
«Փաստ» օրաթերթը գրում է.
Օրեր առաջ Արմավիրի մարզի Արգինա գյուղի մոտ գտնվող ոռոգման ջրանցքում մեծաքանակ ձկներ էին հայտնվել, որոնք, պարզվում է, որ Ախուրյանի ջրամբարի ձկներն էին: Այս մասին տեսանյութ էր հայտնվել «Ֆեյսբուք» սոցիալական ցանցում: Ու թեև տեսանյութում երևում է, թե ինչպես են մի խումբ գյուղացիներ տոպրակներով, ձեռքերով ու ուռկաններով հավաքում ջրանցքում խլրտացող կարաս տեսակի ձկները, այնուամենայնիվ, ձկների մեծ մասը մնալով այդտեղ՝ հաջորդ օրն արդեն սատկել էր:
Ջրային տնտեսության պետական կոմիտեի մամլո խոսնակ Սոնա Մարտիրոսյանը «Փաստի» հետ զրույցում հաստատելով, որ Արգինա գյուղի ոռոգման համակարգը սնվում է Ախուրյան գետից և այդ ձկները, ամենայն հավանականությամբ, գետի ձկներն են, նշեց, որ այս դեպքը չպիտի կապված լինի Ախուրյանի ջրամբարի վերջին դեպքերի հետ, որովհետև այսօրվա դրությամբ այնտեղ ամբարված 7 միլիոն խորանարդ մետր ջուր կա:
Իսկ ինչ վերաբերում է Ախուրյանի ջրամբարի դեպքերին, ապա հիշեցնենք, որ այնտեղ վերջերս գերջրառի հետևանքով բազմաթիվ ձկներ թթվածնային քաղցի էին ենթարկվել։
Ըստ Սոնա Մարտիրոսյանի՝ ջրամբարում ջրի պաշարների վերոնշյալ թիվը նորմալ քանակ է, և այնտեղ ձկնատեսակների սատկելու վտանգը կանխված է:
«Գուցե դա գետում ապրող ձկներն են: Թե որն է այս երևույթի պատճառը, չեմ կարող ասել: Չգիտեմ, թե ինչու է այդքան առատ, գուցե շոգ է, կամ իրենց սեզոնային շարժի ժամանակն է»,– կարծիք հայտնեց նա:
Իսկ Արգինայի համայնքապետ Ռոստամ Արոյանի և արգինցիների կարծիքով պատճառը ջրամբարից մեծ քանակությամբ կատարվող ջրառն է:
«Ձկները գալիս են Ախուրյան ջրամբարից: Այնպես չէ, որ այստեղ ձուկ է աճում, բազմանում: Կարծում եմ, որ ջրամբարի վերջին ջուրն է գալիս, դրա հետ էլ ձկներն են գալիս: Եվ սա մտածելու տեղիք է տալիս, որ ջրամբարում արդեն ջուր չկա: Մենք այդպես ենք տրամաբանում»,– նշեց գյուղապետը:
Արգինայի մեկ այլ բնակչի խոսքով էլ՝ դեպքը պատահել է երեք օր առաջ: Սակայն երեկվա դրությամբ 500 մ երկարությամբ ձորի մեջ հայտնված ձկների մեծամասնությունն արդեն սատկել էր: Վերջինս նույնպես համամիտ է իրենց գյուղապետի հետ: Ըստ նրա, այնտեղ միայն մեկ տարբերակ կարող է լինել. ջրամբարի ջուրը վերջանում է, դրան գումարած չորային տարի է, և ոռոգման համար բավական շատ ջուր է անհրաժեշտ: Եվ հաշվի առնելով այն, որ ջրամբարի ջուրը Հայաստանն ու Թուրքիան համատեղ են օգտագործում, ապա ամեն ինչ իր տեղն է ընկնում: Հարցին, թե սա կարող է վտանգել ձկնատեսակների գոյությանը՝ գյուղացին պատասխանում է, որ ջրամբարի ամբողջ ջուրը բաց թողնելու դեպքում այլևս ձուկ չի լինի:
Եվ ըստ երևույթին, արգինցիների նշած տարբերակը ամենից հավանականն է. ջրի նվազման հետևանքով ձկները դուրս են եկել ջրի երես ու, գետի հոսանքի մեջ ընկնելով, ի վերջո, հայտնվել Արգինայի ջրանցքում:
Շարունակությունը՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
