«Սա յուրաքանչյուր հայի ամոթն է». ինչպե՞ս է Արշակ Կարապետյանը մեկնաբանում «հայտնի» լուսանկարի շուրջ աղմուկը. «Փաստ»
«Փաստ» օրաթերթը գրում է.
Նախօրեին ՀՀ պաշտպանության նախկին նախարար, գեներալմայոր Արշակ Կարապետյանի Ֆեյսբուքի էջում տեղադրվել էր համացանցում հայտնի դարձած մի լուսանկար, որում ԲՐԻԿՍ-ի գագաթաժողովին մասնակցող ու Իհամ Ալիևի մոտ նստած Նիկոլ Փաշինյանի առջև երևում է «Ադրբեջան» գրությամբ ցուցանակ, ինչից հետո իշխանական քարոզչամեքենան՝ իր սատելիտներով ու լրատվամիջոցներով հանդերձ, մեծ աղմուկ բարձրացրեց «Համահայկական ճակատ» շարժման առաջնորդի շուրջ:
Այս հարցի շուրջ «Փաստը» մեկնաբանություն խնդրեց Արշակ Կարապետյանից. «Այդ լուսանկարը վերցված է ռուսական պետական ալիքների ռեպորտաժից, ու իշխանական քարոզչամեքենան մոբիլիզացնելու և իմ դեմ տեղեկատվական գրոհ կազմակերպելու փոխարեն լավ կլիներ, եթե Նիկոլ Փաշինյանը համարձակություն ունենար և ռուսական կողմից պարզաբանում պահանջեր, թե ինչու են հենց այդ ռակուրսով կադրեր սփռել եթերում: Ինքս, անկեղծ ասած, նման դեպքերում պատահականությունների չեմ հավատում, սա ուղիղ արհամարհանքի և իր նկատմամբ անլուրջ վերաբերմունքի վկայություն է։ Բոլորս պետք է հասկանանք, որ սա միայն Նիլոլ Փաշինյանի ամոթը չէ, սա յուրաքանչյուր հայի ամոթն է»,-ասաց Կարապետյանը:
«Որպես հայ մարդ, որպես հայ գեներալ՝ ես վիրավորված եմ, որ իմ երկրի ղեկավարն այնպիսի կարգավիճակի կարող է հասնել, որ նման արհամարհական, ծաղրական կադրեր հեռարձակվեն: Ընդ որում, դա եղել է հեռուստատեսային հեռարձակում, և ամբողջ աշխարհն է տեսել, իսկ Հայաստանի իշխանության և իշխանական քարոզիչների կողմից ոչ մի արձագանք չի եղել, փոխարենը իրենց տեղեկատվական ռեսուրսների ամբողջ արսենալով հարձակվել են ինձ վրա՝ փորձելով կեղծ աղմուկի մեջ խեղդել այդ ակնհայտ միջպետական խայտառակությունը»,-ամփոփեց Արշակ Կարապետյանը:
Մանրամասները՝ «Փաստ» օրաթերթի այսօրվա համարում
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
