ԵՏՄ–ից դուրս գանք, որ ո՞ւր մտնենք. «Փաստ»
«Փաստ» օրաթերթը գրում է.
Ազգային ժողովի «Ելք» խմբակցությունը սեպտեմբերի 11–ին ԵՏՄ–ից Հայաստանի դուրս գալու օրինագիծը պաշտոնապես շրջանառության մեջ դրեց: «Ելք»–ի նախաձեռնության վերաբերյալ այս օրերին քաղաքական տարբեր հարթակներում քննարկումներ են ծավալվում:
ՀՀԿ–ական պատգամավոր Խոսրով Հարությունյանը չի ողջունում «Ելք»–ի նախաձեռնությունը:
«Դիրքորոշումս բացասական է: Այն բացարձակապես չի բխում Հայաստանի շահերից»,– «Փաստ»–ի հետ զրույցում ասաց Խոսրով Հարությունյանը:
Նշենք, որ կարծիքներ կան, թե իշխանության համարձակությունը չի բավականացնի դուրս գալ ԵՏՄ անդամակցությունից: Նման դիրքորոշում էր հայտնել նաև «Ելք» խմբակցության պատգամավոր Արամ Սարգսյանը՝ նշելով, որ իշխանությունը ԵՏՄ–ից դուրս գալու մասին մտածելու «դուխ» անգամ չունի:
Անդրադառնալով այդ կարծիքներին, Խոսրով Հարությունյանը նշեց. «Մեծ քաղաքականության մեջ փողոցի տրամաբանություն չի կարող լինել: «Դուխով» տղա, «դուխով» մարդ… Այդպիսի հասկացողություններ մեր քաղաքականության մեջ չկան: Երկու պարզ բան կա՝ առաջինը՝ հնարավորություններ, երկրորդը՝ կարողություններ: Այստեղ «դուխի» հարցը չէ»:
Խոսրով Հարությունյանը շեշտեց, որ ԵՏՄ–ից դուրս գալու հարցն օրակարգ բերելու անհրաժեշտությունը չկար:
«ԵՏՄ–ից դուրս գանք, որ ո՞ւր մտնենք: Ուղղակի օդում մնա՞նք: Նրանք, որոնք հաճախ որպես արևմտյան ուղղության ջատագովներ են ներկայանում, մի պարզ հարցի չեն պատասխանում. իսկ Եվրամիությունը պատրա՞ստ է ընդունել իր կառույցի մեջ: Իհարկե՝ ոչ: Փոխարենը՝ մնալով ԵՏՄ–ի մեջ, օգտվելով այդ շուկայի մեծ հնարավորություններից, ինտեգրացիոն կարողություններից, մենք զուգահեռ ի հեճուկս շատ շատերի խորացրեցինք մեր հարաբերությունները ԵՄ–ի հետ: Արդյունքում նոյեմբերին ԵՄ–ի հետ կստորագրենք արտաքին առևտրի խորը և համապարփակ համաձայնագրի նոր ադապտացված տարբերակը, ինչը նոր հնարավորություններ կտա Հայաստանին»,–ընդգծեց պատգամավորը:
Դիտարկմանը, թե ԵՏՄ–ին որպես այլընտրանք հաճախ հենց ԵՄ–ն են տեսնում, մեր զրուցակիցը նկատեց. «Բայց ԵՄ–ն պատրա՞ստ է մեզ ընդունել: ԵՄ–ն Ուկրաինային ու Վրաստանին չի ընդունում, Հայաստանին իր Ղարաբաղյան կոնֆլիկտով ինչո՞ւ պետք է ընդունի: Հարցրել ե՞ք որևէ եվրոպացու: Ոմանք փորձում են ցանկալին որպես իրողություն ներկայացնել: Ուզում եմ նորից շեշտել, որ մեծ քաղաքականությունը խարսխված է երկու սյուների վրա՝ իրողություն և հնարավորություն, ուրիշ ոչինչ չկա: Այստեղ դուխի հարցը չի»:
Խոսրով Հարությունյանի կարծիքով ԵՏՄ–ի կազմում մնալով ԵՄ–ի հետ համագործակցությունը միանգամայն հնարավոր է:
«Այդպես եմ մտածում ոչ միայն ես, այլև ԵՄ բարձրաստիճան պաշտոնյաները: Հակառակ պարագայում մենք չէինք նախապատրաստվի հիմնական փաստաթղթի ստորագրմանը, որը կլինի նոյեմբերին»,–ասաց պատգամավորը:
Հիշեցնենք, որ պաշտոնական Բրյուսելը պատրաստվում է Եվրամիություն–Հայաստան նոր համաձայնագրի ստորագրմանը։
Շարունակությունը՝ «Փաստ» օրաթերթի այսօրվա համարում
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Саммит хромых уток в Ереване
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
«След» Курдистана в списке «Республики»: кто такой Роман Мурадян? «Паст»
Le Figaro: Европа рискует пожертвовать демократией в Армении ради геополитики
Кая Каллас прибыла в Азербайджан
В НАТО заявили, что решение США о выводе войск из ФРГ не повлияет на возможности альянса
Euobserver: Армения стремится занять место в очереди на вступление в ЕС на фоне геополитической нест...
