ԶՊՄԿ ուշադրության կենտրոնում Քաջարանի նախակրթարաններն են
Զանգեզուրի պղնձամոլիբդենային կոմբինատի սոցիալական և մարդասիրական ծրագրերը վերջ չունեն։
Կոմբինատը տարիներ շարունակ հսկայական միջոցներ է ներդրել թե՛ հարակից համայնքների բնակիչներին, թե՛ տեղահանված արցախցիներին օգնելու համար։ Այժմ էլ ԶՊՄԿ ուշադրության կենտրոնում Քաջարան խոշորացված համայնքի նախակրթարաններն են։
Նախօրեին ԶՊՄԿ արհեստակցական կազմակերպության կողմից գրենական պիտույքների փաթեթ ստացան Քաջարան խոշորացված համայնքի 3 նախակրթարանների 90 սաներ:
Կոմբինատի ուշադրությունը չէր վրիպել ծնողների աչքից, շատերն էին սոցցանցերում իրենց շնորհակալությունը հայտնում երեխաներին տոն նվիրելու համար։ Խոշոր հարկատուն բազմաթիվ սոցիալական ծրագրեր ունի ոչ միայն աշխատակիցների, այլ նաև համայնքների երեխաների համար։ Երեխաների պաշտպանության միջազգային օրվա կապակցությամբ, հունիսին ԶՊՄԿ տարբեր արտադրամասեր էին այցելել աշխատակիցների երեխաները, ընկերության նախակրթարանի սաները: Խանդավառված հետաքրքրությամբ երեխաներն ուսումնասիրում էին իրենց անծանոթ միջավայրը, մեծերի աշխարհը` փոքրերի աչքերով: Անցած տարի Զանգեզուրի պղնձամոլիբդենային կոմբինատը և «ԶՊՄԿ» բարեգործական հիմնադրամը սոցիալական աջակցության ոլորտում ընդհանուր առմամբ ներդրել են ավելի քան 5 միլիարդ ՀՀ դրամ։ Միջոցներն ուղղվել են ինչպես Կապան և Քաջարան համայնքներին, այնպես էլ Սյունիքի մարզի կարիքներին և Համահանրապետական այլ ծրագրերի, այդ թվում սուբվենցիոն, սոցիալական աջակցության ծրագրերի, առողջապահական ներդրումների ոլորտներում։ Աջակցություն է ցուցաբերվել բարեգործական հիմնադրամներին՝ իրականացնելու տարբեր խոցելի խմբերի հետ ծրագրեր, հաշմանդամություն, ծերերի խնամք և այլն։
Միայն 2023 թվականին ԶՊՄԿ-ից աջակցություն է ստացել 32 բարեգործական կազմակերպություն:
«Աջակցություն տեղահանված արցախցիներին» ծրագրի շրջանակում էլ 2023 թվականի սեպտեմբերից ԶՊՄԿ-ն ներդրել է 170 միլիոն դրամ, կենցաղային տեխնիկա և կահույք է տրամադրվել Կապան, Քաջարան և Մեղրի խոշորացված համայնքներում հանգրվանած արցախցիներին։
Աշոտ Հովհաննիսյան
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
