Աշխարհում մարդկանց մոտ թռչնագրիպի դեպքերի թիվը գերազանցել է 2023 թվականի ցուցանիշները
Աշխարհում 2024 թվականին թռչնագրիպի դեպքերի թիվն արդեն կրկնակի գերազանցում է 2023 թվականի ցուցանիշները։ Այժմ գրանցված է 25 դեպք, այդ թվում՝ մահվան երկու դեպք: Այդ մասին հաղորդում է ՏԱՍՍ-ը՝ վկայակոչելով ՌԴ առողջապահության նախարարության գրիպի գիտահետազոտական ինստիտուտի տնօրենին:
«Աշխարհում 2023 թվականին գրանցվել է վարակման 12 դեպք, 4-ը` մահվան ելքով, 2024 թվականին՝ 25 դեպք, որից 2-ը՝ մահվան ելքով», - զեկույցում նշել է ՌԴ առողջապահության նախարարության Ա. Ա. Սմորոդինցևի անվան գրիպի գիտահետազոտական ինստիտուտի տնօրեն Դմիտրի Լիոզնովը:
Նա ընդգծել է, որ նոր համավարակն անխուսափելի է, և չի կարելի բացառել, որ դա կլինի գրիպի համավարակ։ Փորձագետի խոսքով՝ թռչնագրիպը Ռուսաստանում շրջանառվող հիվանդություն դառնալու մեծ հավանականություն ունի։
Ավելի վաղ «Ռոսպոտրեբնադզոր»-ի ղեկավար Աննա Պոպովան հայտնել էր, որ Ռուսաստանում թռչնագրիպի տարածման ռիսկը շարունակում է մնալ շատ բարձր։
Անցած տասնամյակի վերջին աշխարհում տեղի են ունեցել թռչնագրիպի և խոզի գրիպի բռնկումներ, որոնց հետևանքով մի քանի հազար մարդ է մահացել։ Առայժմ այդ վիրուսները չեն առաջացրել հզոր համաճարակներ, որոնք մահաբերությամբ համեմատելի են 1918 թ. «իսպանական» գրիպի հետ, ինչը պայմանավորված է խոզի գրիպի և թռչնագրիպի դեպքում օդակաթիլային ճանապարհով տարածվելու և մարդկանց թոքերի բջիջներում արդյունավետ բազմանալու ունակության բացակայությամբ: Գիտնականներն այժմ ակտիվորեն ուսումնասիրում են, թե երբ և ինչպես այս վիրուսները կկարողանան ձեռք բերել նման հատկություններ:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
