Առողջապահական ոլորտին առնչվող կլոր սեղան-քննարկում՝ Սանկտ Պետերբուրգում Երևանի օրերի շրջանակում
Սեպտեմբերի 6-8-ը Սանկտ Պետերբուրգում անցկացվող Երևանի օրերի շրջանակում կազմակերպվել է կլոր սեղան-քննարկում՝ երկու քաղաքների առողջապահության ոլորտի պատասխանատուների մասնակցությամբ: Երևանի քաղաքապետարանի աշխատակազմի առողջապահության վարչության պետ Կամսար Բաբինյանը, ներկայացնելով Երևանի առողջապահական համակարգի առաջնահերթություններն ու ոլորտում իրականացվող ծրագրերը, նշել է, որ վերջին տարիներին հետևողական աշխատանքներ են տարվում Երևանի քաղաքապետարանի ենթակայության բուժհաստատությունների պայմանների բարելավման ուղղությամբ: Ընդգծելով բնակիչներին որակյալ բուժծառայությունների մատուցման կարևորությունը՝ Կամսար Բաբինյանը Սանկտ Պետերբուրգի գործընկերներին տեղեկացրել է, որ Երևանում ծրագրային հստակ քաղաքականություն է տարվում բուժհաստատությունները նոր ու ժամանակակից բժշկական սարքավորումներով համալրելու նպատակով:
Սանկտ Պետերբուրգի կառավարության առողջապահության կոմիտեի ներկայացուցիչներն իրենց հերթին, կարևորելով առողջապահական համակարգի հետևողական զարգացումը, նկատել են, որ որակյալ ծառայությունների մատուցման հարցում անչափ կարևոր է նոր տեխնոլոգիաների կիրառումն ու բուժհաստատությունները ժամանակակից սարքավորումներով համալրելը:
Կողմերը պայմանավորվել են երկու քաղաքների համագործակցության ծրագրով խորացնել փոխգործակցությունն ու մասնագիտական կարողությունների կատարելագործմանը միտված փորձի փոխանակումը:
Այնուհետ երևանյան պատվիրակության կազմում ՌԴ հյուսիսային մայրաքաղաք ժամանած Երևանի «Գրիգոր Նարեկացի», «Սուրբ Աստվածամայր» բժշկական կենտրոնների, Հակատուբերկուլյոզային դիսպանսերի, «Թիվ 15 պոլիկլինիկա» ՓԲԸ-ի տնօրեններն ու Երևան քաղաքի գլխավոր մանկաբարձ-գինեկոլոգն այցելել են Սանկտ Պետերբուրգի քաղաքային շտապբուժօգնության կայան, թիվ 19 և թիվ 1 քաղաքային մանկական հիվանդանոցներ, ինչպես նաև Մոսկովյան շրջանի պոլիկլինիկա և թիվ 5 հակատուբերկուլյոզային դիսպանսեր, ծանոթացել բուժհաստատությունների պայմաններին և այդ հաստատությունների կառավարմանը, ինչպես նաև հետևել են տեղերում հիվանդների բուժման և սպասարկման գործընթացի կազմակերպմանը: Կարևորելով երկուստեք փորձի փոխանակման անհրաժեշտությունը՝ կողմերը պատրաստակամություն են հայտնել ավելի հաճախակի դարձնելու փոխայցերը:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Армении придётся сделать выбор между ЕС и ЕАЭС: Андрей Климов
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
