Թոշակառուների համար Երևանի կենտրոնում 280 դրամով լիարժեք ճաշելն արդեն հնարավոր է։ 6 ամիս տևած շինարարությունից հետո մատչելի սննդով սոցիալական ռեստորանն այսօր իր դռները բացեց ոչ միայն թոշակառուների, այլև մյուս քաղաքացիների համար։
Երևանում բացված սոցիալական ռեստորանը
Ծրագրի գաղափարը «Արտ Լանչ» ցանցի սեփականատեր Բակուր Մելքոնյանինն է, որն անձամբ է թոշակառուներին ներկայացնում ճաշացանկը։
Երևանում բացված սոցիալական ռեստորանը
«Ռեստորանում երկու հոսքագիծ կա, մեկը մեր «Արտ Լանչի» սովորական գներով է, մյուսը` շատ ցածր գներով` թոշակառուների համար։ Սովորական մարդն այստեղ ուտելով օգնում է, որ այստեղից եկած եկամուտը դրվի մյուս հոսքագծի վրա»,–Sputnik Արմենիայի հետ զրույցում ասաց Մելքոնյանը։
Բակուր Մելքոնյան
Օրինակ` այստեղ 90 դրամով հնարավոր է ուտել 1 բաժին հնդկաձավար, 190 դրամով` կոտլետ, 170 դրամով` կարտոֆիլի խյուս և այլն։ Յուրաքանչյուր տարեց հնարավորություն ունի նաև նվեր ընտրելու, որը թողել են մյուս հոսքագծի հաճախորդները։ Նվերներն այստեղ սուրճի, քաղցրավենիքի, պիցցայի, հյութի ու ֆրեշի տեսքով են։
Երևանում բացված սոցիալական ռեստորանի ճաշերը
Նվերների գներն էլ են մատչելի։ Օրինակ` 50 դրամով կարելի է մի բաժակ սուրճ նվիրել տարեցներին։ Ծրագիրը հաճելիորեն զարմացրել է տարեցներին, որոնք արդեն իսկ համտեսում և դրական գնահատական են տալիս ճաշատեսակներին։ Ասում են` այնքան մատչելի է, որ ընտանիքի անդամների համար էլ են տանում։
Երևանում բացված սոցիալական ռեստորանի ճաշերը
«Շատ հաճելի է մեզ նման ծրագիրը։ Շատ համով սնունդ են տալիս ու այնքան լավ են սպասարկում, որ ուզում ես էլի գալ։ Շատ կուզեի, որ բոլոր տեղերն էլ բացեն, մարդիկ գնան, օգտվեն»,– Sputnik Արմենիայի հետ զրույցում ասաց 66–ամյա Ժորա Պետրոսյանը։
Երևանում բացված սոցիալական ռեստորանը
Ծրագիրն աջակիցների պակաս չունի։ Բացման արարողությանը մասնակցում է նաև ՀՀ էկոնոմիկայի նախկին նախարար Վահան Քերոբյանը, որը կամավորական սկզբունքով սպասարկում է տարեցներին։
ՀՀ էկոնոմիկայի նախկին նախարար Վահան Քերոբյանը սոցիալական ռեստորանում սպասարկում է հաճախորդներին
«Երբ մի քանի ամիս առաջ Բակուր Մելքոնյանն ասաց այս ծրագրի մեկնարկի մասին, դեռևս նախարար եղած ժամանակ խոստացա, որ մի քանի ժամով կգամ և կաշխատեմ։ Այսօր նախարար չեմ, բայց խոստումը մնում է խոստում»,–ասաց Քերոբյանը։
ՀՀ էկոնոմիկայի նախկին նախարար Վահան Քերոբյանը սոցիալական ռեստորանի աշխատակիցների հետ
Նախկին նախարարաը վստահ է, որ այժմ բիզնես ոլորտում ընկերությունների հասունությունը չափվում է սոցիալական ծրագրերով։
Սոցիալական ռեստորանն այսօր 13 աշխատակից ունի, որոնցից 5–ը 60–ն անց են։
Տեսանյութն՝ այստեղ
AFI назвал ленту продюсера Сева Оганяна одним из лучших фильмов года
Требование — прекратить нарушение фундаментальных прав граждан Республики Армения: «Всеармянский фро...
Обеспокоенная Европа поднимает голос: авторитетные международные деятели предупреждают: «в Армении у...
На что указывают позорные цифры? «Паст»
Юнибанк выпустил новый транш драмовых бессрочных облигаций со ставкой 13,75% годовых
Пашинян готов изменить Конституцию Армении в угоду мирному соглашению с Азербайджаном
Пашинян перешёл опасную границу: Российская епархия — объединённый центр Святой Армянской Апостольск...
Сегодня - премьер-министр, завтра - бывший, а Церковь вечна: «Паст»
Итальянский городок в Тоскане платит $30 000 за переезд — с одним условием
Тотальный провал в Гюмри: «антиплитургии» - партийные собрания: «Паст»
