«Սպայկա»-ի շուրջ աղմուկի հետքերով. Միքայել Մինասյանը ընկերությունում որևէ բաժնեմաս չունի. Past.am
Past.am -ը գրում է․
Վերջին օրերին մամուլի որոշ միջոցներ տարածում են տեղեկություններ «Սպայկա» ագրոհոլդինգի մասին` մոռացության մատնելով հայտնի փաստը, որ Վատիկանում Հայաստանի նախկին դեսպան Միքայել Մինասյանը որևէ առնչություն չունի ընկերության հետ, և ընկերության սեփականատերը վաղուց հետ է գնել իր բոլոր բաժնետոմսերը։ Հրապարակումներ անելիս հաճախ հաշվի չեն առնում, որ ապատեղեկատվություններն ու կեղծ լրատվական արտահոսքերը կարող են վնասել սեփական երկրի տնտեսությանը։
Մի պահ վերանանք անձերից և պատկերացնենք՝ ինչ կլիներ Հայաստանի տնտեսության վիճակը, եթե չլիներ «Սպայկա» ընկերությունը, որը հսկայական դեր ունի գյուղատնտեսական և այլ արտադրանքի արտահանման, ապրանքների ներմուծման, ՀՀ բնակչության առաջնային կարիքները հոգալու գործում. կարճ ասած՝ պարենային անվտանգության առաջնային օղակներից, տնտեսության շարժիչ ուժերից մեկն է։
Հենց միայն այս հանգամանքը պետք է ստիպեր ԶԼՄ-ներին առավելագույնս զգույշ լինել, պրոֆեսիոնալ մոտեցում դրսևորել հրապարակումներում, երբ խոսքը տնտեսության համար նման նշանակություն ունեցող ընկերության մասին է։ «Մի' վնասիր»֊ ասում է լրագրողական թիվ մեկ կանոնը։ Խոսքը ամենևին էլ շարքային ինչ-որ ձեռնարկության կամ, թեկուզ, առևտրային տասնյակ ու հարյուրավոր ցանցերից մեկի մասին չէ, այլ մի ընկերության, որի գործունեությունն ուղղակի ազդեցություն ունի Հայաստանի տնտեսության վրա։ «Սպայկա» ագրոհոլդինգի դեպքում ցանկացած շեղում, գործարար համբավին հասցրած նույնիսկ ամենաաննշան թվացող հարվածը էական ու ծանր հետևանքներ կարող է ունենալ երկրի կենսագործունեության վրա։
Ըստ էության, միայն այն փաստը, որ վաղուց արդեն Մինասյանի հետ որևէ կապ չունեցող ընկերության մասին հրապարակումներ են արվում` ընկերությանը կապելով վերոհիշյալ անձնավորության հետ, վերագրումներ են արվում, արդեն իսկ խնդիր է ընկերության գործունեության համար։
Լրատվամիջոցներից մեկն, օրինակ, հիմք ընդունելով վերջերս հրապարակված հայտնի քրեական գործը, հարցադրում է արել՝ արդյո՞ք կալանք է դրված «Սպայկա»-ի գույքի և միջոցների վրա։ Ոչ մի խոսք այն մասին, որ ընկերության որևէ տոկոս այդ մարդուն չի պատկանում, հետևաբար` քրեական գործը չի կարող «Սպայկա»-ի հետ կապ ունենալ։
Հաշվեհամարների արգելափակումը նշանակում է հազարավոր մարդկանց աշխատավարձերի, հարկերի վճարումների, բեռնափոխադրումների, Հայաստանում արտադրված պտուղ-բանջարեղենի առաքումների առկախում, իսկ դա հարված կլինի ոչ միայն ընկերությանը, այլև այն հազարավոր գյուղացիներին ու ֆերմերներին, որոնք «Սպայկա»-ի միջոցով են դուրս գալիս միջազգային շուկա, ապահովում են երկրի բյուջեի շոշափելի մուտքերը և ապրուստի միջոց են վաստակում։ Ուստի պետք չէ մտնել մի դաշտ, որտեղ բիզնեսը կարող է տուժել, իսկ նրա շուրջ անառողջ հետաքրքրությունն էլ հարվածել, առաջին հերթին, սեփական երկրին։
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
В Ширакской области правоохранители проводятся обыски в офисе «Сильной Армении»: есть задержанные
