Տեղեկատվական տեխնոլոգիաների ոլորտն անկում է գրանցել. պատճառն իշխանությունների քաղաքականությունն է
Այս տարվա առաջին կիսամյակում տեղեկատվական տեխնոլոգիաների ոլորտը կրճատվել է մոտ 13 %-ով։ Էկոնոմիկայի նախկին նախարար Վահան Քերոբյանի գնահատմամբ, դրա հիմնական պատճառը մեզ ընձեռնված հնարավորությունները բաց թողնելն է։ Ըստ Քերոբյանի, դեռևս 2022 թ. մարտին աշխարհի լավագույն խորհրդատվական ընկերություններից մեկը Կենտրոնական Բանկի պատվերով Կառավարությանը ներկայացրեց 32 կետանոց ճանապարհային քարտեզ, որի իրականացումը ոչ միայն կպահպաներ ձեռք բերված հաջողությունները, այլև կստեղծեր բարենպաստ միջավայր, որ Հայաստան գային նորարարություններ ստեղծող ձեռնարկատերերը` իրենց հետ բերելով կապիտալ, աշխատատեղեր և բազմաթիվ տաղանդավոր ու բարձրակարգ մասնագետների։
Այն մարդիկ, ում հանձնարարվել էր այդ ճանապարհային քարտեզն իրագործել, որևէ կետ այդ ծրագրից չիրագործեցին։ Դրա արդյունքում մենք մեր ձեռքով Վրաստանին «նվիրեցինք» ՏՏ ոլորտ, որը 2022 թվականի սկզբին իսպառ բացակայում էր այնտեղ, իսկ հիմա չափերով գրեթե հավասար է Հայաստանի ՏՏ ոլորտին։ Ընդամենը երկու տարում,- նշել է նախկին նախարարը՝ հավելելով, որ իշխանությունն այդպես էլ չեն ընդունել իր թիմի առաջարկած օրենսդրական նախաձեռնությունը, որը կբացառեր անկումը։
ՏՏ ոլորտը ՀՀ իշխանությունները գերակայություն են հռչակել, տարբեր պաշտոնյաներ, այդ թվում՝ Փաշինյանը, առիթը բաց չեն թողնում բոլոր հարթակներից խոսելու ոլորտի մասին, մինչդեռ իրականում իրենց դիլետանտության պատճառով կամ կանխամտածված վնասում են ոլորտին։
Ռուս-ուկրաինական հակամարտության սկզբից տասնյակ հազարավոր ռելոկանտներ ժամանեցին Հայաստան, որտեղ ԱՁ-ներ բացեցին, դարձան հարկատու, բնակարան վարձակալեցին և սկսեցին տեղից աշխատել՝ ահռելի օգուտներ տալով Հայաստանին։ Տևական ժամանակ իշխանություններն էլ փաստում են, որ ռելոկանտները սկսել են հեռանալ երկրից՝ հաշվի առնելով բազմաթիվ գործոններ։ Խնդիրներ ունեն նաև տեղական ընկերությունները, որոնք արձանագրում էին, որ դրամի արժևորումը լրջորեն հարվածում է իրենց եկամուտներին։
Իշխանություններն իբր դոտացիաներ հատկացրին, բայց մամուլում տարածված փաստերը վկայում են, որ այդ հարցում էլ փաշինյանականներն առաջնորդվել են ոչ արդյունավետ՝ փոշիացնելով այդ միջոցները։ Արդյունքում, այսօր նույնիսկ նախկին թիմակիցն է ահազանգում ՏՏ ոլորտի խնդիրների մասին։
Իրինա Գասպարյան
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
Когда дети становятся частью пропаганды: «невинный разговор» или?... «Паст»
