Մենք կորցրեցինք մեր բարեկամներին, բայց նոր բարեկամներ ձեռք չբերեցինք․ Արշակ Կարապետյան
Հարավային Կովկասում Ռուսաստանի և ԱՄՆ հակամարտությունը գնալով ավելի լուրջ դրսևորումներ է ստանալու։ Հատկապես այսօր, երբ Վաշինգտոնը ավելի ու ավելի շատ է փորձում ներգրավվել մեր տարածաշրջանում, իսկ հայ-ամերիկյան զորավարժություններից, ՊՆ-ում ամերիկյան խորհրդական նշանակելուց հետո լուրեր են շրջանառվում, որ ամերիկյան կողմը կարող է ներկայություն ունենալ նաև Սյունիքում։
ՌԴ ԱԳՆ ներկայացուցիչ Մարիա Զախարովան անդրադարձել է ՄԱՆ փոխպետքարտուղարի հայտարարություններին՝ դրանք վտանգավոր համարելով։ Եվրոպայի ու Եվրասիայի հարցերով փոխպետքարտուղար Ջեյմս Օ’Բրայենը հուլիսի 30-ին հայտարարել էր՝ Միացյալ Նահանգները պայմաններ է ստեղծում, որ Հայաստանն ավելի հեռանա Ռուսաստանից։
«Հայաստանը տնտեսապես ու էներգետիկ առումով գրեթե ամբողջությամբ կախված է Ռուսաստանից։ Մենք պետք է դիվերսիֆիկացնենք այն՝ Փաշինյանի գլխավորությամբ հնարավոր դարձնելով կատարել այն խիզախ քայլերը, որոնք նրանց կհեռացնեն Ռուսաստանից: Մոսկվան երաշխավորել էր Հայաստանի անվտանգությունը 2020-ի պատերազմից հետո: Եվ անվտանգության ապահովումը ձախողվեց, երբ Ադրբեջանը վերցրեց Լեռնային Ղարաբաղի շրջակա տարածքը: Դրանից հետո Հայաստանի բնակչության մեծ մասը ցանկանում է ավելի հեռանալ Ռուսաստանից: Հետևաբար, մենք ստեղծում ենք պայմաններ, որ դա տեղի ունենա»,- ասել էր Օ’Բրայենը։ Մարիա Զախարովան ասել է, որ Ռուսաստանի և Հայաստանի միջև ձևավորված դարավոր կապերը կդիմանան բոլոր փորձություններին, որոնց ենթարկում է Արևմուտքը։
«Ինչ վերաբերում է Օ՛Բրայենի անհիմն հայտարարություններին, թե Հայաստանը ցանկանում է երես թեքել Ռուսաստանից, սա ամերիկացիներին բնորոշ աշխարհաքաղաքական ինժեներիայի ևս մեկ օրինակ է՝ միջազգային հանրության աչքում ստեղծել Վաշինգտոնին անհրաժեշտ իրականություն, որը ոչ մի կապ չունի իրականում տեղի ունեցողի հետ», - ասել է Զախարովան՝ հավելելով, թե «Պատմության ընթացքում մենք բազմիցս ձեռք ենք մեկնել եղբայրական հայ ժողովրդին և մտադիր ենք դա անել նաև ապագայում»։ ՌԴ ԱԳՆ ներկայացուցչի գնահատմամբ՝ Օ՛Բրայենը որևէ նոր բան չի ասել, միայն հաստատել է այն, ինչի մասին Մոսկվան պարբերաբար զգուշացնում է գործընկերներին, այդ թվում՝ Երևանում՝ Արևմուտքն ապակառուցողական օրակարգ է առաջ մղում Հարավային Կովկասում, որի հիմնական նպատակը մեկն է՝ «Մասնատել տարածաշրջանի տարածքը՝ քանդելով Ռուսաստանի պատմական կապերը իր ավանդական դաշնակիցների ու հարևանների հետ»: Մերձավոր Արևելքում իրավիճակի սրմանը զուգահեռ ԱՄՆ-ը և ՆԱՏՕ-ի նրա դաշնակիցները փորձում են ՌԴ դեմ նոր ճակատ ստեղծել և օգտագործում են ՀՀ իշխանություններին, որոնք չեն գիտակցում իրենց քայլերի վտանգավորությունը։
«Համահայկական ճակատ» շարժման առաջնորդ, պաշտպանության նախկին նախարար, գեներալ-մայոր Արշակ Կարապետյանի կարծիքով Ռուսաստանը միշտ կայունացրել է իրավիճակը Հարավային Կովկասում։ Այժմ Հայաստանի իշխանություններն իրենց քաղաքականությամբ լրջորեն վատթարացրել են այդ հարաբերությունները։ Դեմ առ դեմ հայտնվելով Բաքվի հետ` Երևանն անընդհատ նոր տարածքներ է զիջում սպառնալիքների տակ։
«Մենք կորցրեցինք մեր բարեկամներին, կորցրեցինք այնպիսի ռազմավարական գործընկեր, ինչպիսին է Ռուսաստանը, բայց նոր բարեկամներ ձեռք չբերեցինք։ Կան երկրներ, որոնք կարեկցում են Հայաստանին, բայց ո՛չ ավելին։ Եթե Ռուսաստանը տարածաշրջանային կայունության կողմնակից է, ապա այլ երկրներ տարածաշրջան մտնելու համար անկայունություն են առաջացնում»,- նշել էր «Համահայկական ճակատ» շարժման առաջնորդ Արշակ Կարապետյանը։
Аляска подала в суд на правительство США из-за ограничения бурения скважин
Существующий геополитический статус-кво вскоре может измениться: «Паст»
Оппозиционный депутат: Пашинян, отходя от России, ведет в сторону Турции
Турцию разъярило возможное присутствие французских сил на сирийской границе
Глава Минфина Армении о выходе из ЕАЭС: Жизнь отнюдь не черно-белая – надо учесть многие обстоятельс...
Президент США Джо Байден в среду выступит с прощальной речью
Польша и страны Балтии занимаются обеспечением энергетической инфраструктуры, необходимой для отсое...
Ожидаются новые увольнения: «Паст»
Аэропорты Казани, Нижнекамска и Ульяновска в РФ временно приостановили работу
Тайвань заявил о резком росте в 2024 году числа обвиненных в шпионаже на КНР
