ԱրարատԲանկը 10 մլն ԱՄՆ դոլարի ֆինանսավորում կհատկացնի կին ձեռներեցներին
Հարավարևելյան Եվրոպայի եվրոպական հիմնադրամը (ՀԵԵՀ) 10 միլիոն ԱՄՆ դոլարին համարժեք վարկ է տրամադրել ԱրարատԲանկին` Հայաստանի տնտեսական կայունությունն ու գործարար հատվածի աճն ամրապնդելու նպատակով: Այս ներդրումը նպատակ ունի հզորացնել կին ձեռներեցներին՝ դյուրացնելով նրանց համար ֆինանսավորման հասանելիությունը:
Նոր ֆինանսավորումը հնարավորություն կտա ԱրարատԲանկին ավելի երկար մարման ժամկետով ավելի քան 300 ենթավարկ տրամադրել միկրո, փոքր և միջին ձեռնարկություններին (ՄՓՄՁ-ներին)՝ հատկապես կանանց կողմից հիմնադրված կամ նրանց ղեկավարությամբ գործող ՄՓՄՁ-ներին: Այս նախաձեռնությունը Հայաստանում բիզնեսի կայունության և աշխատատեղերի ստեղծմանն ուղղված համալիր ջանքերի մի մաս է` նախատեսված շարունակական աշխարհաքաղաքական մարտահրավերների ֆոնին մոտ 1500 աշխատատեղերի ստեղծման և ՄՓՄՁ ոլորտում հետագա ներդրումների խթանման համար:
Մեկնաբանելով ԱրարատԲանկի հետ համագործակցությունը` ՀԵԵՀ-ի տարածաշրջանային տնօրեն Օքսանա Բինզարուն ասել է. «Մեզ համար պատիվ է ամրապնդել մեր համագործակցությունը ԱրարատԲանկի` մեր երկարամյա գործընկերոջ հետ, որը հանձնառու է ներառական տնտեսական աճի խթանմանը: 10 միլիոն ԱՄՆ դոլարի այս վարկը վկայում է Հայաստանում կին ձեռներեցների ֆինանսական ներգրավվածությանը և հզորացմանն աջակցելու մեր համատեղ հանձնառության մասին` ի նպաստ գործարար աշխարհում կին ձեռներեցների առջև ծառացող բազմաբնույթ մարտահրավերների հաղթահարման»:
ԱրարատԲանկի գործադիր տնօրեն Մհեր Անանյանը նշել է. «Բանկի վերջին տարիների քաղաքականությունը միտված է կին ձեռներեցներին լավագույնս աջակցելուն և նրանց մտքերը բիզնեսի տեսանկյունից իրականություն դարձնելուն, իսկ մեր երկարամյա և հավատարիմ գործընկեր ՀԵԵՀ-ի հետ նոր համագործակցությունը միայն կնպաստի այդ գործընթացին և ավելի արդյունավետ կդարձնի այն»։
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
