Փաշինյանն արտաքին օրակարգն օգտագործում է ներքաղաքական նպատակներով
Երեկ խորհրդարանում ընդդիմության բացակայության պայմաններում Փաշինյանը սենսացիոն հայտարարություններ է արել, որոնք առաջին հայացքից կարող են անհեթեթ և ժամանակավրեպ թվալ, մասնավորապես հայտարարել է, թե այս պահից սկսած Հայաստանի ոչ մի պաշտոնական ներկայացուցիչ Բելառուս չի այցելի, քանի դեռ նախագահ է Լուկաշենկոն, ինքը ևս ցանկություն չունի հանդիպելու Լուկաշենկոյի հետ, իսկ հաջորդ տրամաբանական քայլը լինելու է ՀԱՊԿ-ից դուրս գալը։
Պատճառը, ըստ Փաշինյանի, Իլհամ Ալիևի հետ հանդիպմանը Լուկաշենկոյի արած հայտարարություններն էին, թե Բելառուսը տեղյակ է եղել պատերազմի նախապատրաստումից, անգամ՝ մասնակցել։ Տարօրինակն այս ողջ գործընթացում այն է, որ Փաշինյանն ուղիղ մեկ ամիս հետո է բարեհաճում անդրադառնալ Բելառուսի նախագահին և նրա հայտարարություններին, թեպետ դեռ կարող էր մայիսի կեսերին բողոքի պաշտոնական նոտա հղել և խորհրդակցությունների համար հետ կանչել դեսպանին, ինչպես արել են երեկ։
Ըստ երևույթին, խնդիրն ամենևին էլ ո՛չ Լուկաշենկոն է և ո՛չ էլ ՀԱՊԿ-ն։ Մինսկում, ի դեպ, հասկացել են, թե որն է իրական պատճառը։
«Բոլորս տեսնում ենք, թե այսօր Հայաստանում որքան բարդ է ներքաղաքական իրավիճակը, որքան արագ է սրվում առճակատումը երկրի ներսում, իսկ տարբեր մարդիկ, իհարկե, տարբեր դիմադրություն ունեն, հուզական լուրջ սթրեսի նկատմամբ, բայց մենք չենք հասկանում, թե ինչ կապ ունի Բելառուսը դրա հետ»,- նշել է Բելառուսի ԱԳՆ մամուլի քարտուղար Անատոլի Գլազը, հավելել, որ եթե Հայաստանում ինչ-որ մեկը որոշել է արտաքին թշնամի ներկայացնելով ուշադրությունը շեղել ներքին խնդիրներից, ապա դա շատ անհեռատես դիրքորոշում է։
Ըստ էության, Փաշինյանը սրելով ՀԱՊԿ-ի և Բելառուսի դեմ իր խոսույթը, ընդամենը ցանկանում է հայ հասարակության ուշադրությունը շեղել ներքաղաքական խնդիրներից և Բագրատ Գալստանյանի գլխավորած ընդդիմադիր շարժումից։
Որևէ այլ ողջամիտ բացատրություն, այն էլ հիմա, անհնար է անել։
Մանան Եսայան
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Когда дети становятся частью пропаганды: «невинный разговор» или?... «Паст»
Региональные «экскурсии» Пашиняна проходят на полупустых улицах: «Паст»
