Ռուսաստանն արձագանքում է Երևանի ոչ բարեկամական քայլերին
Ռուսաստանի փոխարտգործնախարար Միխայիլ Գալուզինը հայտարարել է, թե դեսպան Սերգեյ Կոպիրկինն արդեն վերադարձել է Երևան և անցել է իր պարտականությունների կատարմանը։ Գալուզինը խոսել է հայ-ռուսական հարաբերությունների մասին, ասել, թե ակնկալում են, որ Հայաստանում կգերիշխի Ռուսաստանի եզակի անվիճելի դերի ըմբռնումը։
«Մեզ ոչ մի Արևմուտք չի կարող փոխարինել, ոչ մի արևմտյան երկիր առանձին–առանձին, ոչ էլ Արևմուտքն ամբողջությամբ»,- ասել է Գալուզինը։ Փոխարտգործնախարարի այս հայտարարությունը հնչում է Հայաստանի ԱԳՆ-ին հղած բողոքի նոտայի ֆոնին։
Երևանի Նոր Նորք վարչական ղեկավարը Հայաստանի դեսպանի հետ այցելել է Բուչա քաղաք։ Ըստ ՌԴ ԱԳՆ-ի՝ սա Երևանի բացահայտ ոչ բարեկամական քայլ է։
Իսկ առաջիկայում ոչ բարեկամական քայլերը շարունակվելու են։
Հայաստանից Բեռլինում Ուկրաինայի վերականգնման հարցերով համաժողովին կմասնակցի արտաքին գործերի նախարարի տեղակալը։ Թե ո՞ր տեղակալը, չի հաղորդվում։ Վրաստանը համաժողովին ներկայանալու է վարչապետի և արտգործնախարարի, իսկ Ադրբեջանը՝ արտգործնախարարի մակարդակով։ Բեռլինում հունիսի 11-ից 12-ը Ուկրաինայի վերականգնման օրակարգով միջազգային համաժողովը կազմակերպել են Գերմանիան և Ուկրաինան։
Ենթադրվում է, որ կմասնակցեն 60 երկրներից 2000 մարդ։
Ուշագրավն իհարկե, այդ համաժողովին փոխարտգործնախարարի մակարդակով մասնակցությունն էր։ Ըստ էության, այս հանգամանքը պաշտոնական Երևանը փորձելու է վաճառել Ռուսաստանի վրա՝ նշելով, թե վարչապետի, ԱԽ քարտուղարի, կամ արտաքին գործերի նախարարի մակարդակով չեն մասնակցում, մինչդեռ իրականում խնդիրն այն է, որ այսօր և վաղը Երևանում է գտնվում ԱՄՆ փոխպետքարտուղար Ջեյմս Օ՛ Բրայենը, որի հետ էլ հանդիպումներ են կայանալու, և գործող իշխանությունները նախընտրում են Օ՛ Բրայենի հետ հանդիպումներն Ուկրաինայի հարցով համաժողովից։
Ամեն պարագայում, հակառուսական քաղաքականությունը, որին տուրք է տալիս պաշտոնական Երևանը, ինչ որ պահի լուրջ վտանգների առջև է կանգնեցնելու Հայաստանը։
Անահիտ Մարկոսյան
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Когда дети становятся частью пропаганды: «невинный разговор» или?... «Паст»
Региональные «экскурсии» Пашиняна проходят на полупустых улицах: «Паст»
