Վարչախումբը փորձում է խափանել հանրահավաքը
«Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը պատրաստվում է մայիսի 26-ին հրավիրած մեծ հանրահավաքին, որտեղ էլ ներկայացնելու է վարչապետի պաշտոնը զբաղեցնող Նիկոլ Փաշինյանին հեռացնելու իր ռազմավարությունը։
Այս օրերին Բագրատ Սրբազանը հանդիպումներ է ունենում տարբեր շրջանակների, քաղաքական ուժերի, մտավորականների, այսօր էլ հանդիպում է ունենալու Արցախի իշխանությունների և այլ ներկայացուցիչների հետ։
ՔՊ մերև աղբյուրի փոխանցմամբ՝ Փաշինյանը հատկապես մտահոգված է այսօր կայանալիք հանդիպումից՝ հասկանալով, որ հատկապես ազդեցիկ արցախցիները շահագրգռված են ընդդիմադիր շարժման հաջողությամբ և չի բացառվում, որ թե՛ մարդկային ռեսուրսով և թե՛ նյութապես լուրջ օգնություն ցուցաբերեն ընդդիմադիր շարժմանը։
Ի վերջո, Փաշինյանը որքան էլ փորձել է ահաբեկումների կամ այլ մեթոդներով արցախցիներին հեռու պահել Հայաստանի ներքաղաքական կյանքին մասնակցելու հնարավորությունից, արցախցիների ուժը դեռևս մնում է և Հայաստան բռնի տեղահանված 100 հազար արցախցիներից շատերը կարող են մասնակցել մայիսի 26-ին կայանալիք հանրահավաքին։
Մայիսի 9-ին Բագրատ Գալստանյանին հաջողվեց մի քանի տասնյակ հազար մարդ հավաքել Հանրապետության Հրապարակում և այժմ Հանրապետության Հրապարակը լցնելու դեպքում գործող իշխանություններին կմնա ընդամենը մեկ քայլ, բոլոր միջոցներով փախուստի դիմել Հայաստանից, ուստի Փաշինյանը հանձնարարել է իրեն հավատարիմ մի քանի արցախցիների՝ այդ թվում անվտանգության խորհրդի նախկին քարտուղար Սամվել Բաբայանին, բոլոր միջոցներով խափանել թե՛ այսօր կայանալիք հանդիպումը և թե՛ մայիսի 26-ի հանրահավաքին արցախցիների մասնակցությունը՝ սպառնալով, որ դա չանելու դեպքում նրանց ևս իր հետ անդունդը կգլորի։
Աննա Բարսեղյան
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
