Արդեն մյուս եռամսյակում խոշոր հարկատուների առաջատարը նորից կփոխվի. «Փաստ»
«Փաստ» օրաթերթը գրում է.
Այն բանից հետո, երբ ՊԵԿ-ը հրապարակեց 1000 խոշոր հարկատուների ցանկը, շատերն իսկույն նկատեցին, որ փոփոխություն է եղել առաջատարների կազմում: Ի մասնավորի, զարմանալի էր այն հանգամանքը, որ վերջին վեց տարում խոշոր հարկատուների ցանկի անփոփոխ առաջատար Զանգեզուրի պղնձամոլիբդենային կոմբինատը հայտնվել է երրորդ տեղում: Կային խոսակցություններ, որ դա պակաս հարկ վճարելու արդյունք է:
Իրականում մեր ուսումնասիրությունները ցույց տվեցին, որ այս տարվա առաջին եռամսյակում նախորդ եռամսյակի համեմատ ԶՄՊԿ-ն շուրջ 140 մլն դրամով ավելացրել է հարկերի գծով բյուջետային մուտքերը՝ 2024 թ. հունվար-մարտ ամիսներին վճարելով մոտ 15,6 մլրդ դրամ հարկ։ Օրերս ԶՊՄԿ-ն տեղեկացրեց, որ արդեն այսօր վստահաբար կարելի է կանխատեսել, որ հաջորդ եռամսյակում ընկերության վճարած հարկերը մի քանի անգամ կգերազանցեն առաջին եռամսյակի հարկերը։ Բանն այն է, որ առաջին եռամսյակում չեն արտացոլվում տարեկան հաշվետվությունները, որոնք, ըստ Հարկային օրենսգրքի, ներկայացվում են ապրիլին, և տարեկան վճարների մեծ մասը՝ ռոյալթիի և շահութահարկի մասով, արվում է այդ ամսին։
«Այսպես՝ միայն ապրիլին ԶՊՄԿ-ն վճարել է մոտ 30 միլիարդ դրամի հարկ։ Բայց սա արդեն կարտացոլվի հաջորդ եռամսյակում»,-նշված է ԶՊՄԿ պարզաբանման մեջ: Հավելենք, որ նախորդ տարիների թեկուզ միայն առաջին եռամսյակի հարկային վճարումների ցուցանիշները վկայում են, որ վերջին երեք տարում հարկային մուտքերը նախորդ տարիների համեմատ կրկնակի, որոշ դեպքերում՝ նույնիսկ քառակի են աճել են։
Մանրամասները՝ «Փաստ» օրաթերթի այսօրվա համարում
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Когда любая уступка превращается в отправную точку для новых требований: «Паст»
