Եթե ՆԱՏՕ-ի միջուկային օբյեկտները տեղակայվեն Լեհաստանում, Ռուսաստանի համար ռազմական թիրախ կդառնան. ՌԴ ԱԳՆ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՆԱՏՕ-ի երկրների միջուկային օբյեկտները, Լեհաստանի տարածքում տեղակայման դեպքում, Ռուսաստանի համար ռազմական թիրախ կդառնան։ Այս մասին ՏԱՍՍ-ին ասել է ՌԴ փոխարտգործնախարար Սերգեյ Ռյաբկովը։
«Իհարկե, ՆԱՏՕ-ի համատեղ միջուկային առաքելությունների պրակտիկայի ընդլայնումը, անկախ նրանից, թե որ երկիրը կամ երկրները կմիանան այդ պրակտիկային արդեն մասնակցողներին, զուտ ապակայունացնող բնույթ ունի: Իրականում դա սպառնալից է»,- ընդգծել է բարձրաստիճան դիվանագետը, որի պնդմամբ՝ ՆԱՏՕ-ի երկրների համատեղ միջուկային առաքելությունների մոտեցումը Ռուսաստանի սահմաններին ավելի է սրում սպառնալիքները Ռուսաստանի Դաշնության համար։
«Ես նույնիսկ չեմ խոսում մշտական տեղակայման մասին, ինչի մասին խոսում են նաև Վարշավայի «տաք գլուխները»: Ուստի բոլոր այն քաղաքական գործիչները, որոնք հիմա ոգևորությամբ քննարկում են նման սխեման Լեհաստանում և արտերկրում՝ պետք է հասկանան, որ նրանք կլինեն մեր ռազմական պլանավորման առաջնագծում», - ասել է Ռյաբկովը:
Հիշեցնենք, որ Լեհաստանի նախագահ Անջեյ Դուդան ասել էր, որ ինքը բազմիցս խոսել է Միացյալ Նահանգների հետ ՆԱՏՕ-ի Nuclear Sharing ծրագրի շրջանակում երկրում միջուկային զենք տեղակայելու իր պատրաստակամության մասին։ Նրա խոսքով՝ «սա արդեն որոշ ժամանակ է՝ լեհ-ամերիկյան բանակցությունների թեմա է»։
«Ես արդեն մի քանի անգամ խոսել եմ այս թեմայով։ Խոստովանեմ՝ երբ ինձ հարցրել են այս մասին, հայտնել եմ մեր պատրաստակամության մասին։ Ռուսաստանը գնալով ավելի է ռազմականացնում Կալինինգրադի մարզը. այն վերջերս իր միջուկային զենքը տեղակայել է Բելառուսում: Եթե մեր դաշնակիցների կողմից որոշում կայացվի մեր տարածքում միջուկային զենք տեղակայել Nuclear Sharing միջուկային փոխանակման ծրագրի շրջանակում՝ ՆԱՏՕ-ի արևելյան թևի անվտանգությունն ամրապնդելու համար, ապա մենք պատրաստ ենք դրան։ Մենք դաշնակից ենք Հյուսիսատլանտյան դաշինքում և ունենք նաև պարտավորություններ այս առումով, այսինքն՝ ուղղակի ընդհանուր քաղաքականություն ենք իրականացնում»,- «Ֆակտ»-ի հարցին պատասխանել էր նա։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
