Շարլ Ազնավուրի 100-ամյակին նվիրված ցուցադրություն մայիսի 22 - հուլիսի 22
Երևանում կազմակերպվելիք աշխարհահռչակ երգիչ ու կինոդերասան Շարլ Ազնավուրին նվիրված ժամանակավոր ցուցադրությունը ներկայացնում է շանսոնյեի կյանքին ու գործունեությանը վերաբերող շուրջ 250 հազվագյուտ ցուցանմուշներ, որոնք ներառում են հազվագյուտ լուսանկարներ, տարբեր երկրներում լույս տեսած պարբերականներ, հիշատակի թողարկումներ, ձայնապնակներ, ինչպես նաև Ազնավուրի մասնակցությամբ նկարահանված կինոնկարների ազդագրերի եզակի նմուշներ:
Ցուցադրությունը կազմակերպվել է Ucom ընկերության գլխավոր տնօրեն Ռալֆ Յիրիկյանի և պատմական գիտությունների դոկտոր Հայկ Դեմոյանի համատեղ ջանքերով ստեղծված հավաքածուի հիման վրա՝ որպես հարգանքի տուրք մեծանուն հայի հիշատակին:
Ցուցադրությունը բաղկացած է չորս հիմնական բաժիններից, որտեղ ներկայացվելու են եզակի ու մինչ օրս քիչ հայտնի շուրջ 50 լուսանկար, տարբեր տարիներին թողարկված մեծ և փոքր չափերի մոտ 100 ձայնապնակներ, ինչպես նաև Շարլ Ազնավուրի մասնակցությամբ տարբեր տարիներին Ֆրանսիայում և այլ երկրներում նկարահանված ֆիլմերի բնօրինակ ավելի քան 30 ազդագրեր:
Առանձին ցուցադրական նյութ են հանդիսանում 1950-2000-ական թվականներին Շարլ Ազնավուրի պատկերով լույս տեսած տասնյակ բազմալեզու ամսագրերն ու պարբերական հրատարակությունները: Ցուցադրության մեջ ներառվելու են նաև Շարլ Ազնավուրի կյանքին ու գործունեությանը նվիրված հուշամեդալներ, նամականիշեր, կրծքանշաններ, փոստային բացիկներ և այլ թողարկումներ: Առանձին հետաքրքրություն է ներկայացնում տարբեր տարիներին Շարլ Ազնավուրի ստորագրությամբ բացիկներն ու ձայնապնակները:
Հավաքածուի մաս կազմող որոշ ցուցանմուշներ կցուցադրվեն նաև Գյումրիում: Նախաձեռնողները նպատակադրված են ցուցադրության ավարտից հետո ողջ հավաքածուն նվիրաբերել Երևանում գործող Շարլ Ազնավուրի թանգարանին՝ մշտական ու ժամանակավոր ցուցադրություններ կազմակերպելու համար:
Ցուցադրության պաշտոնական բացումը տեղի Է ունենալու Ալեքսանդր Թամանյանի անվան ճարտարապետության ազգային թանգարան-ինստիտուտում, ս. թ. մայիսի 22-ին, ժամը 16:00-ին:
Ցուցադրությունը գործելու է մինչև հուլիսի 22-ը:
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
