Ինչպես խաբել տավուշցիներին. համառոտ ձեռնարկ՝ Նիկոլ Փաշինյանից
Հայաստանը համաձայնել է վերադարձնել Տավուշի հատվածում Ադրբեջանի պահանջած գյուղերը՝ դրա դիմաց չստանալով ոչինչ։ Վարչապետի պաշտոնը զբաղեցնող Նիկոլ Փաշինյանն օրերս գնացել էր Ոսկեպար, Կիրանց և Բերքաբեր, իսկական ներկայացում բեմադրել, գյուղացիներին համոզել, թե լինելու է այնպես, ինչպես իրենք են ուզում։
Ի սկզբանե ակնհայտ էր, որ Փաշինյանն ընդամենը փորձում է մոլորեցնել մարդկանց և անակնկալի բերել։ Ընդամենը մեկ օր տևեց Փաշինյանի այս ներկայացումը։ Երեկ վարչապետի աշխատակազմը հայտնեց, որ սահմանազատման և սահմանագծման հանձնաժողովները հանդիպել և պայմանավորվել են։
Ըստ էության, Ադրբեջանին են վերադարձվում նրա պահանջած 4 գյուղերը, թեև Փաշինյանի աշխատակազմն ասում է՝ 2,5։ Հայկական կողմը վերադարձնում է Ադրբեջանի պահանջած գյուղերը, իսկ ի՞նչ է ստանում, ըստ Վարչապետի աշխատակազմի՝ անվտանգային ռիսկերի նվազեցում։ Ընդհանրապես, գործող իշխանությունների վարքն այս պայմաններում չափազանց կանխատեսելի է, հնարավորինս ամեն ինչ անում են հանրային դժգոհության ալիքը հեռացնելու, ժողովրդին հնարավորինս խաբելու համար, որպեսզի կարողանան կատարել բոլոր պահանջները։
Տարածված տեղեկատվությունից հետո, իշխանական պատգամավորները և քարոզիչները փորձում են սոցիալական ցանցերում տպավորություն ստեղծել, թե ոչինչ էլ չի զիջվում, բայց նույնիսկ իրենց իսկ հաղորդագրության և պարզաբանման տեքստերում ակնհայտ էր, որ գործող իշխանությունները կատարել են Ադրբեջանի բոլոր պահանջներն անխտիր։ Համենայնդեպս հայտարարության տեքստում նշել են Ալմա-Աթայի հռչակագրի մասին, այդպես փորձելով տպավորություն ստեղծել, թե հայկական կողմի ինչ-որ ցանկություն ևս կատարվել է։
Տեղեկությունը հայտնի դառնալուց հետո Տավուշի մարզում բողոքի ակցիա է սկսվել, մարդիկ փակել են միջպետական ճանապարհի հատվածը, պահանջել Փաշինյանի հետ հանդիպում։ Տրամաբանությունը հուշում է, որ Երևանում էլ պետք է արդեն գիշերը բողոքի լայնածավալ ցույցեր սկսվեին, սակայն ընդամենը մի քանի տասնյակ մարդ է հավաքվել Կառավարության դիմաց և Ազատության հարպարակում, իսկ ընդդիմությունից ընդհանրապես որևէ ծպտուն չի լսվել։
Ալլա Նանումյան
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Когда любая уступка превращается в отправную точку для новых требований: «Паст»
