Հանրային ճնշման տակ հրաժարվեցին հերթական ազգադավ ծրագրից
Ընդամենը մեկ օր անց Հայաստանի իշխանությունները հետ կանգնեցին իրենց հերթական ազգադավ ծրագրից։ Ազգային ժողովի պաշտպանության և անվտանգության հարցերի հանձնաժողովի նախագահ Անդրանիկ Քոչարյանը հայտարարել է, թե ցեղասպանության ենթարկվածների ցուցակների ամբողջականացման մասին հայտարարությունն իր անձնական մոտեցումն է եղել, քաղաքական որևէ որոշում չկա, իսկ Նիկոլ Փաշինյանը դրա հետ կապ չունի։
Հիշեցնենք, ընդամենը 2 օր առաջ նույն Քոչարյանը «Ազատության» եթերում հայտարարել էր, թե Նիկոլ Փաշինյանը նպատակ ունի ցեղասպանության հետ կապված իրական հիմքեր կառուցել և ավելի առարկայական դարձնել ցեղասպանության ենթարկված հայրենակիցների ամբողջական ցանկը։ Խորհրդարանական ճեպազրույցներում էլ Քոչարյանը հասատել էր այս տեղեկությունը՝ պնդելով, որ դա անում են իբր ցեղասպանության հարցում ավելի ամուր դիրքեր ունենալու համար։
Մինչդեռ, ըստ մասնագետների, ցեղասպանագետների, պատմաբանների՝ իշխանություների ասածը բացառապես թուրքական նարատիվ է, և տեխնիկապես հնարավոր չէ 109 տարի անց 1,5 միլիոն մարդկանց ցուցակներ կազմել, առավել ևս, որ այն ժամանակ համակարգիչներ չկային, համապատասխան տեխնիկա չկար, ծխական գրանցամատյանների մեծ մասը ոչնչացվել է, ամբողջական գյուղեր և բնակավայրեր սրի են քաշվել թուրք ասկյարների կողմից, ուստի 1,5 միլիոն մարդու անուն գրելը պարզապես ռեսուրսների, ժամանակի վատնում և հակահայկական գործողություն էր դառնալու։
Քոչարյանի այս հայտարարությունը շտապել էր ողջունել Սփյուռքի հարցերի գերագույն հանձնակատար Զարեհ Սինանյանը։ Իշխանության մյուս ներկայացուցիչները, թերևս, հասկանում էին, թե սա ինչ վտանգներ է պարունակում և թաքնվել էին՝ որևէ բան չխոսելով։ Ըստ երևույթին, անգամ իրենց կողմնակիցներից և «հեղափոխական» իշխանության աջակիցներից հարվածներ և քննադատություններ ստանալով, Նիկոլ Փաշինյանը որոշում է կայացրել ընդհանրապես, կամ առժամանակ հրաժարվել նման վնասակար մոտեցումներից։
Ու հիմա Անդրանիկ Քոչարյանը հարկադրված է խմբագրել սեփական խոսքերը։ Այս ամենը հերթական անգամ վկայում է, որ գործող իշխանությունները որևէ սկզբունք չունեցող անձանց միավորում են։
Հերմինե Անանյան
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
