Փաշինյանական վարչախումբն ուրանում է Հայոց ցեղասպանությունը
Ցեղասպանության 109-րդ տարելիցին ընդառաջ Հայաստանի գործող իշխանությունները հերթական վտանգավոր քայլն են անում՝ փորձում են ուրանալ Հայոց ցեղասպանության փաստը։ Օրերս Ազգային ժողովի պաշտպանության, ներքին գործերի և անվտանգության հարցերի հանձնաժողովի նախագահ Անդրանիկ Քոչարյանը հայտարարել է, որ եթե ասում ենք ցեղասպանվել է 1,5 միլիոն հայ, ապա պետք է անուն առ անուն կազմել զոհերի ցուցակը, նրանց հետ կատարվածի մանրամասները՝ որտեղ են սպանվել, ինչ պայմաններում և այլն։
Ըստ Քոչարյանի՝ Նիկոլ Փաշինյանն այժմ ցանկանում է անել դա։ Քոչարյանն այդ հայտարարությունը կրկնել է նաև խորհրդարանական ճեպազրույցների ժամանակ՝ փաստելով, որ դա ոչ թե անձնական նախաձեռնություն կամ լեզվից թռած արտահայտություն է, այլ Հայաստանի գործող իշխանությունների հստակ քաղաքական գիծ, ընդ որում, իշխանության այս նախաձեռնությանը աջակցություն է հայտնել նաև Սփյուռքի հարցերով գերագույն հանձնակատար Զարեհ Սինանյանը՝ նշելով, թե այդկերպ ավելի գիտական մոտեցում է ցուցաբերվում ցեղասպանության հարցերին։ Հայոց ցեղասպանության ժխտողականության համար քրեական պատիժ է սահմանվել մի քանի երկրներում, այդ թվում, օրինակ, Ֆրանսիայում։
Նույնիսկ ամենավատ երազում հնարավոր չէր պատկերացնել, որ Հայաստանի գործող իշխանությունները կարող են իրենք դառնալ Հայոց ցեղասպանության ժխտման առաջամարտիկը։ Ի՞նչ է սա, եթե ոչ Թուրքիայի ներկայացրած հերթական ևս մեկ պահանջի կատարում։
Զարմանալի չէ, որ փաշինյանական վարչախմբի խայտառակ այս արարքին դեմ են դուրս եկել նույնիսկ այն մարդիկ, ովքեր տարիներ շարունակ ատամներով պաշտպանել են Նիկոլ Փաշինյանի իշխանությանը։
Լավագույնս Անդրանիկ Քոչարյանին անդրադարձել և խստորեն քննադատել է հայտնի սորոսական Հրանուշ Խառատյանը՝ Փաշինյանի նախկին խորհրդական Արսեն Խառատյանի մայրը, իսկ մասնագետ ցեղասպանագետները նշում են, որ Հայաստանի այս քայլը ոչ միայն պատմականորեն արդարացված չէ, այլ նաև չափազանց վտանգավոր քաղաքական հետևանքներ կարող է ունենալ։
Դավիթ Գասպարյան
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
