«Համահայկական ճակատ» կուսակցությունը հնարավորություն ունի լուրջ քաղաքական ներկայացվածություն ապահովելու քաղաքական դաշտում
Աշխարհաքաղաքական իրողություններով պայմանավորված՝ առաջիկայում Հայաստանի ներքաղաքական կյանքում նոր զարգացումներ են սպասվում, առավել ևս, որ Հայաստանի գործող իշխանություններին Նիկոլ Փաշինյանի գլխավորությամբ դժվարությամբ է հաջողվում զսպել հանրային բողոքը, և միակ պատճառը, որ գործող իշխանությունները դեռևս շարունակում են գտնվել իշխանության ղեկին, ընդդիմություն անմիաբանությունն է, նաև համապատասխան կարողությամբ ուժերի բացակայությունը։
Տևական ժամանակ Հայաստանի գործող իշխանությունները փորձում էին առաջ մղել թե՛ նոր Սահմանադրություն փոխելու և թե՛ արտահերթ խորհրդարանական ընտրությունների թեման։ Մասնավորապես, կատարելով թուրք-ադրբեջանական տանդեմի պահանջները, Փաշինյանը ցանկանում է փոխել Սահմանադրությունը, սակայն դրա համար հարկավոր է որ Սահմանադրության փոփոխությունն ու արտահերթ ընտրությունները լինեն միաժամանակ, քանի որ բարդ է լինելու հանրությանը հանել տներից և տանել Սահամանադրական հանրաքվեի, իսկ այդ դեպքում հանրաքվեն կձախողվեր, քանի որ դրա ընդունման համար անհրաժեշտ է առնվազն ընտրողների 50+1 %-ի մասնակցությունը։
Վերջին զարգացումները վկայում են, որ Փաշինյանն արդեն չի ցանկանում գնալ նաև սահմանադրական փոփոխությունների և մտադիր է առնվազն մինչև հերթական խորհրդարանական ընտրություններ ձգձգել իր պաշտոնավարումը, մինչ այդ ընդդիմադիր ուժերին հնարավորինս լուրջ հարված հասցնելով, ինչպես և սեփական արևմտամետ դաշինք ստեղծելով, որին էլ իրենց հետ քարշ կտան խորհրդարան՝ առնվազն իշխանությունը կիսելու նպատակով, իսկ եթե հաջողվի, նաև վարչական, ոստիկանական և ֆինանսական միջոցներով կրկին զավթել մեծամասնությունը, սեփական արևմտամետ դաշինքն էլ ներկայացնել որպես ընդդիմադիր։ Այս զարգացումը չափազանց իրատեսական է թվում՝ հաշվի առնելով, որ Նիկոլ Փաշինյանը պատրաստ է հրաժարվել ամեն ինչից, բայց ոչ սեփական իշխանությունից ու աթոռից, իսկ որ նա հրաշալի է զգում իրեն սպառնացող վտանգները, կարծես որևէ մեկը չի էլ հերքում։ Ինչևէ, Փաշինյանի այս ցանկությունները հակասում են Հայաստանի Հանրապետության և հայ ժողովրդի կենսական շահերին, ուստի հարկավոր է օր առաջ ազատվել նրա ներկայությունից, իսկ դրա համար կարող, հնարավորություններ ունեցող և իսկապես գաղափարական ազգային ուժեր են հարկավոր։ Առնվազն մեկ քաղաքական ուժ ունի աճի և Փաշինյանին իրական մրցակցություն բերելու պոտենցիալ։
«Համահայկական ճակատ» կուսակցությունը, որը տակավին վերջերս է ստեղծվել «Համահայկական ճակատ» շարժման առաջնորդ, Պաշտպանության նախկին նախարար գեներալ-մայոր Արշակ Կարապետյանի գլխավորությամբ, արդեն իսկ կարողացել է իր շուրջը բավական լուրջ զանգվածներ հավաքել և զարմանալի չէ, որ գործող իշխանությունները հենց Արշակ Կարապետյանին են թիրախավորում, այդ թվում՝ իրենց կերակրատաշտից օգտվող տարբեր քաղաքագետների աջակցությամբ։ Կուսակցությունը հնարավորություն ունի շատ արագ լուրջ քաղաքական ներկայացվածություն ապահովելու քաղաքական դաշտում, փորձելու համախմբել հանրությանը։
Այս պայմաններում, սակայն, փաստ է, որ ականատես ենք լինելու նաև դիմադրության այսպես կոչված փսևդոընդդիմադիրների, կամ էլ անգամ իրենց տիտղոսային ընդդիմություն հռչակած քաղաքական ուժերի կողմից, որոնց համար իդեալական պայմաններ են ստեղծվել. մի կողմից համագործակցում են Փաշինյանի հետ և օգտվում պետական գանձարանից, մյուս կողմից՝ կիսաընդդիմադիր ելույթներով շեղում են հանրության ուշադրությունը։
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Когда дети становятся частью пропаганды: «невинный разговор» или?... «Паст»
Региональные «экскурсии» Пашиняна проходят на полупустых улицах: «Паст»
