«Դասական լեզու Հայոց» գրաբարյան մրցույթն ավարտվեց
«Դասական լեզու Հայոց» խորագրով գրաբարյան եռափուլ մրցույթը մոտեցավ ավարտին։ Օրեր առաջ տեղի ունեցավ մրցույթի ամփոփումն ու մրցանակաբաշխությունը։
ԵՊՀ հայ բանասիրության հայոց լեզվի և ընդհանուր լեզվաբանության ամբիոնի, Արարատյան հայրապետական թեմի և «Իրական դպրոց» կրթամշակութային հիմնադրամի համատեղ ջանքերով և «Ինստիգեյթ» և «Բուտեխ» ընկերությունների հովանավորությամբ իրականացված «Դասական լեզու Հայոց» մրցույթը մեկնարկել էր 2023 թվականի նոյեմբերին։ Մրցույթը հաստատված է ԿԳՄՍ նախարարության կողմից, իսկ համագործակցող կառույցներն են «Դասական Դպրոց» կրթական հիմնադրամը և ԵՊՀ հայ բանասիրության ֆակուլտետի Ուսանողական գիտական ընկերությունը։
Հայաստանի 8 մարզերից մասնակցության հայտ ներկայացրած շուրջ 170 աշակերտներից երրորդ փուլ էին անցել 88-ը, որոնք, կազմելով խմբեր, իրականացրել են տարբեր նախագծեր՝ կիրառելով դասական հայոց լեզուն։
«Հաշվի առնելով ներկայում տարբեր գիտակարգերի մեկտեղման կարևորությունը՝ մրցույթի շրջանակներում փորձել ենք մեկտեղել լեզվաբանությունն ու գիտարվեստը։ Մրցույթի հիմնական նպատակներից մեկը աշակերտների ստեղծագործական հմտությունների, լեզվաբանական և համակարգչային գիտելիքների զարգացումն է»,- նշում է «Դասական դպրոց» հիմնադրամի տնօրեն Մանե Ղևոնդյանը։
Մարտի 1-ին Երևանի պետական համալսարանում տեղի ունեցավ մրցանակաբաշխությունը և ցուցադրվեցին սահմանված 10 անվանակարգերում հաղթող խմբերի աշխատանքները։ Հաղթող ճանաչված խմբերն «Ինստիգեյթ» ընկերության հովանավորությամբ ստացան դրամական պարգևներ, իսկ խմբերի ուսուցիչները՝ անհատական սալիկային համակարգիչներ՝ հայկական «Բուտեխ» ընկերության արտադրության։
«Սալիկային համակարգիչների միջոցով ուսուցիչները հնարավորություն կունենան կապվելու Դասական լեզվի ուսուցման ցանցին, կստանան նյութեր, հանձնարարություններ, օժանդակություն և համագործակցության առաջարկներ»,- նշում է «Դասական դպրոց» հիմնադրամի համահիմնադիր Վահագն Պողոսյանը։
Նշենք, որ «Ինստիգեյթ» ՓԲԸ-ն հայկական ներդրումային արվեստանոց է, որը տարիներ շարունակ զբաղվում է տեխնոլոգիական, կրթական և այլ ոլորտների զարգացմամբ։ «Դասական դպրոց» հիմնադրամն արվեստանոցի կրթական նախագծերից մեկն է։
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Вопрос о лишении их сана должен быть решен немедленно: «Паст»
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
В администрации Трампа впервые признали, что иммиграционные агенты, «возможно, нарушили протокол» в ...
