Փաշինյանը գնում է բաց առճակատման Ռուսաստանի հետ
Հայաստանի վարչապետի պաշտոնը զբաղեցնող Նիկոլ Փաշինյանը ֆրանսիական հեռուստատեսությանը տված հարցազրույցում հայտարարել է, թե Հայաստանը սառեցրել է Հավաքական անվտանգության պայմանագրի կազմակերպությանն իր մասնակցությունը։ Փաշինյանը նախ մեղադրել է Ռուսաստանին իր և իր իշխանության դեմ հակաքարոզչություն իրականացնելու մեջ, ապա և անդրադարձել է ՀԱՊԿ-ին՝ նշելով, թե Հավաքական անվտանգության պայմանագիրը Հայաստանի նկատմամբ կյանքի չի կոչվել հատկապես 2021-2022 թվականին։ Միևնույն ժամանակ Փաշինյանը զերծ է մնացել ռուսական 102-րդ ռազմակայանը Հայաստանից հեռացնելու հարցին հստակ պատասխանելուց։
Նիկոլ Փաշինյանի այս հայտարարությունն անմիջապես հարուցել է ռուսական պաշտոնական շրջանակների տարակուսանքին։ Կրեմլի պաշտոնական ներկայացուցիչ Դմիտրի Պեսկովը նշել է, թե Հայաստանը ՀԱՊԿ-ում իր անդամակցությունը սառեցնելու մասին պաշտոնական որևէ դիմում չի ներկայացրել։ Ավելի կոշտ հայտարարություն է տարածել Ռուսաստանի ԱԳՆ-ն, նշել, թե պարզաբանումներ է ակնկալում Նիկոլ Փաշինյանի հայտարարությունների վերաբերյալ։ «Մոսկվան ելնում է նրանից, որ Հայաստանը շարունակում է մնալ ՀԱՊԿ-ի լիիրավ անդամ, այդ կարգավիճակից բխող բոլոր իրավունքներով և պարտավորություներով։ Միևնույն ժամանակ ցավով նշում ենք, որ կազմակերպության միջոցառումներին Երևանի մասնակցության դինամիկան նվազել է, ինչն ակնհայտորեն չի համապատասխանում բարեկամ հայ ժողովրդի շահերին և երկրի անվտանգության ապահովման նպատակներին»,-հայտնել են Մոսկվայից։
Փաստացի, իր վերջին հայտարարություններով Փաշինյանը բացահայտ առճակատման մեջ է մտնում Ռուսաստանի և նրա ազդեցության տակ գտնվող ՀԱՊԿ-ի հետ, առավել ևս, որ դա անում է Ֆրանսիայից, որտեղից ընդամենը երեկ նոր սպառազինություն է ստացել։ Ըստ էության՝ Նիկոլ Փաշինյանը հենց արևմտյան հովանավորների պահանջով է սրում հարաբերությունները Ռուսաստանի հետ՝ մտածելով, որ միայն այդ կերպ կկարողանա պահպանել իր իշխանությունը Հայաստանում՝ առանց հաշվի առնելու հնարավոր հետևանքները Հայաստանի Հանրապետության համար։
Զինա Պետրոսյան
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
