Բոլոր պատասխանատուներին կպատժենք մեր ընտրած ժամանակին և ձևով. Բայդենը Հորդանանում ԱՄՆ բազայի հարձակման համար մեղադրել է Իրանին. Թեհրանը պնդում է, որ կապ չունի
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ նախագահ Ջո Բայդենը, մեկնաբանելով Հորդանանի և Սիրիայի սահմանին ամերիկյան Tower 22 բազայի վրա հարձակումը, որի հետևանքով զոհվել է երեք և վիրավորվել 34 ամերիկացի զինծառայող, մեղադրել է Իրանի կողմից աջակցվող «Իսլամական դիմադրություն» խմբավորման զինյալներին, որոնք տեղակայված են Իրաքում և Սիրիայում: ԱՄՆ նախագահը խոստացել է վրեժ լուծել: Այս մասին գրում է The Guardian-ը:
Երկուշաբթի վաղ առավոտյան IRNA պետական լրատվական գործակալության կողմից հրապարակված հայտարարության մեջ ՄԱԿ-ում Իրանի առաքելությունը հերքել է, որ Թեհրանը որևէ առնչություն ունի հարձակմանը:
«Իրանը ոչ մի կապ և ոչ մի առնչություն չի ունեցել ամերիկյան բազայի վրա հարձակման հետ: Տարածաշրջանում հակամարտություն կա ԱՄՆ ուժերի և դիմադրության խմբերի միջև, որոնք պատասխան հարձակումներ են կատարում», - ասվում է Իրանի հայտարարության մեջ:
Սակայն Բայդենը ընդգծել է, որ ԱՄՆ-ն իր ընտրած ժամանակ բոլոր մեղավորներին պատասխանատվության կենթարկի, իսկ Պենտագոնն էլ վերահաստատել է նախագահի ասածն առ այն, որ Իրանն է կանգնած հարձակումների հետևում:
«Այսօր Ամերիկայի սիրտը ծանր է։ Անցած գիշեր Հորդանանի հյուսիս-արևելքում՝ Սիրիայի սահմանի մոտ տեղակայված մեր ուժերի վրա անօդաչու սարքի հարձակման հետևանքով երեք ամերիկացի զինծառայող սպանվել են, շատերը՝ վիրավորվել: Մինչ մենք դեռ հավաքում ենք այս հարձակման փաստերը, մենք գիտենք, որ այն իրականացվել է Սիրիայում և Իրաքում գործող, Իրանի կողմից աջակցվող արմատական զինյալ խմբավորումների կողմից: Մենք կշարունակենք ահաբեկչության դեմ պայքարելու հանձնառությունը: Եվ մի՛ կասկածեք. մենք բոլոր պատասխանատուներին պատասխանատվության կենթարկենք մեր ընտրած ժամանակին և ձևով», - ասել է Բայդենը:
«Մենք կպատասխանենք», - ավելի ուշ վերահաստատել է ԱՄՆ պաշտպանության նախարար Լլոյդ Օսթինը:
Մինչդեռ «Իսլամական դիմադրություն»-ը հայտարարություն է տարածել, որում ասվում է. «Ինչպես նախկինում ասել ենք, եթե ԱՄՆ-ն շարունակի աջակցել Իսրայելին, ապա սրումներ կլինեն: Տարածաշրջանում ԱՄՆ-ի բոլոր շահերը օրինական թիրախներ են, և մենք թքած ունենք պատասխանելու ԱՄՆ սպառնալիքների վրա, մենք գիտենք, թե որ ուղղությամբ ենք գնում, իսկ նահատակությունը մեզ համար պարգև է»:
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
