Խնկո Ապոր անվան ազգային մանկական գրադարանը տոնել է հիմնադրման 90-ամյակը
Այս տարի լրացավ Խնկո Ապոր անվան ազգային մանկական գրադարանի հիմնադրման 90-ամյակը։ Այս առիթով գրադարանում տոնական միջոցառում է կազմակերպվել դեկտեմբերի 1-ին՝ հայտնում են գրադարանից:
«Շնորհավորելու էին եկել գրողներ, դերասաններ, մշակույթի գործիչներ, ընթերցողներ, որոնցից շատերի մանկությունն անցել է Խնկո Ապոր անվան գրադարանում։
Գրադարանի տնօրեն Ռուզան Տոնոյանը ողջունեց ներկաներին և ասաց, որ 90 տարվա ճանապարհ անցած, դժվարություններ ու խոչընդոտներ հաղթահարած, բայց և նվաճումներ արձանագրած գրադարանն այսօր իր կայուն և առանձնահատուկ տեղն ունի հայաստանյան մշակութային դաշտում։
«Գրադարանը սոսկ մանկապատանեկան գրականության գրավոր ժառանգության պահոց չէ։ Այն արդեն 90 տարի Հայաստանում կրթամշակութային բազմազան ծրագրերի միջոցով ընթերցանության քաղաքականություն է իրականացնում մանուկների և պատանիների շրջանում։ Մեր գրադարանի նպատակը մեկն է՝ որակյալ ծառայությունների մատուցմամբ ընթերցանության կազմակերպում և խթանում, իսկ առաջնահերթությունը երեխայի ընթերցելու իրավունքի պաշտպանությունն է»,- իր խոսքում նշեց Ռուզան Տոնոյանը։
Հայաստանի գրողների միության նախագահ Էդվարդ Միլիտոնյանը գրադարանին մաղթեց բեղուն գործունեություն և ընթերցողների քանակի ավելացում։ Նա ասաց․ «Գրադարանում համատեղ բազմաթիվ հանդիպումներ ու միջոցառումներ ենք իրականացրել։ Այս գործը պետք է շարունակվի։ Ով գիրք է կարդում, գրքի աշխարհում է մեծանում, չի կարող վատ կամ չար մարդ լինել։
Ուղղորդեք երեխաներին լավ գրքեր կարդալ»։
Ցուցադրվեց գրադարանի 90-ամյա պատմությունը ներկայացնող տեսաֆիլմ, որն արխիվային լուսանկարներով ու տեսանյութերով պատմում էր գրադարանի տեղծման առաջին օրերից մինչև այժմ տեղի ունեցած իրադարձությունների, գրադարանն այցելած հայ մեծերի մասին։
Գրադարանի ակտիվ ընթերցողների մասնակությամբ ներկայացվեց գրական ժանրերը բացահայտող թատերական ներկայացում՝ բանաստեղծ,
Գրադարանի 90-ամյա հոբելյանի շրջանակում ընթերցասրահում կազմակերպվել էր նաև հնատիպ գրքերի, գրադարանին ընծայագրված և գրադարանի հրատարակած գրքերի ցուցահանդես։
Խնկո Ապոր անվան ազգային մանկական գրադարանն աշխարհում գործող փոքրաթիվ գրադարաններից է, որը նախատեսված է մանուկներին և պատանիներին սպասարկելու համար»,- ասվում է հաղորդագրության մեջ։
Фосфорные боеприпасы Украины и военные сделки с Алиевым: почему визит Зеленского в Ереван встречают ...
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Саммит хромых уток в Ереване
Европейские обещания на фоне закрытых дверей: «Паст»
«След» Курдистана в списке «Республики»: кто такой Роман Мурадян? «Паст»
Приглашение Зеленского — удар по национальному достоинству
Кая Каллас прибыла в Азербайджан
В НАТО заявили, что решение США о выводе войск из ФРГ не повлияет на возможности альянса
Euobserver: Армения стремится занять место в очереди на вступление в ЕС на фоне геополитической нест...
