«Դասական լեզու Հայոց» մրցույթի գրեթե բոլոր մասնակիցները հաղթահարել են առաջին փուլը
Նոյեմբերի սկզբին մեկնարկել է «Դասական լեզու Հայոց» խորագրով եռափուլ մրցույթը, որին մասնակցության հայտ էին ներկայացրել շուրջ 170 աշակերտներից՝ Հայաստանի 8 մարզերի դպրոցների 5-ից 12-րդ դասարաններից։
Մրցույթը կազմակերպվել է ԵՊՀ հայ բանասիրության հայոց լեզվի և ընդհանուր լեզվաբանության ամբիոնի, Արարատյան հայրապետական թեմի, «Իրական դպրոց» կրթամշակութային հիմնադրամի համատեղ ջանքերով՝ «Ինստիգեյթ» և «Բուտեխ» ընկերությունների հովանավորությամբ։ Մրցույթը հաստատվել է ԿԳՄՍ նախարարության կողմից, իսկ համագործակցող կառույցներն են «Դասական Դպրոց» կրթամշակութային հիմնադրամը և ԵՊՀ հայ բանասիրության ֆակուլտետի Ուսանողական գիտական ընկերությունը։
Սա մի նոր ձևաչափ է, որտեղ մեկտեղված են լեզուն և գիտարվեստը։ Մրցույթի նպատակն է դպրոցականների մեջ ստեղծել հետաքրքրություն դասական լեզվի հանդեպ, ինչպես նաև զարգացնել աշակերտների ստեղծագործական հմտություններն ու թվային գրագիտության կարողությունները։
Մրցույթի առաջին և երկրորդ փուլերն անցկացվում են հեռավար տարբերակով, իսկ վերջին փուլը՝ առերես։ Առաջին երկու փուլերի համար մասնակիցներն ընտրել են գրաբար տեքստ, ընթերցել և տեսանկարահանումն ուղարկել հանձնաժողովին։ Վերջին փուլում մասնակիցները կատարելու են նախագծային աշխատանք՝ ստեղծելու են շարժանկար, գրաբար բովանդակությամբ կոմիքսներ և այլն։ Յուրաքանչյուր փուլի համար մասնակիցներին տրամադրվել են օժանդակ նյութեր և տրվել է մեկ շաբաթ ժամանակ։
«Մեզ համար մեծ բացահայտում էր, որ դասական հայերենի հանդեպ այդքան մեծ հետաքրքրություն կա։ Սխալ պատկերացւմներ ունեինք աշակերտների ունակությունների վերաբերյալ։ Կարծում էինք, որ ցածր կլինեն ցուցանիշները, սակայն աշակերտները բավական բարձր ցուցանիշներ են գրանցել եւ հաղթահարել են առաջին փուլը։ Բոլորն անցել են երկրորդ փուլ»,- նշում է մրցույթի հովանավոր «Ինստիգեյթ» ընկերության համահիմնադիր Վահագն Պողոսյանը։
Նշենք, որ «Ինստիգեյթ» ՓԲԸ-ն հայկական ներդրումային արվեստանոց է, որը տարիներ շարունակ զբաղվում է տեխնոլոգիական, կրթական և այլ ոլորտների զարգացմամբ՝ հիմնելով ստարտափներ, որոնցից շատերն այսօր արդեն խոշոր և ինքնաբավ ընկերություններ են։
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
