Ի՞նչ են թաքցնում սահմանազատման անվան տակ
Տավուշի մարզի և Ադրբեջանի Ղազախի շրջանի հատվածում երեկ կայացել է Հայաստանի և Ադրբեջանի միջև սահմանազատման և սահմանային անվտանգության հարցերով հանձնողովի թվով 5-րդ հանդիպումը։ Նախորդ 4-րդ հանդիպումն էլ կայացել էր նույն այդ հատվածում, մինչ այդ ևս 3 հանդիպումներ կայացել էին Երասխում, Մոսկվայում և Բրյուսելում։
Ինչպես սովորաբար նման հանդիպումներից հետո Հայաստանի իշխանությունները բավականին տեղեկություններ հայտնում են, պայմանավորվածությունների մասին, ընդհանուր գծերով պատմում, թե ինչ են որոշել։ Սահմանազատման հանձնաժողովների աշխատանքը, որոնք հայկական կողմից ղեկավարում է փոխվարչապետ Մհեր Գրիգորյանը, ադրբեջանական կողմից էլ տարիներ առաջ Նոյեմբերյանում ապրած Շահին Մուստաֆաևը, մեծամասամբ գաղտնի է իրականացվում, իսկ պայմանավորվածությունների մասին ոչինչ չեն ասում, այս անգամ ևս կցկտուր տեղեկություններ են հայտնել, որոնցից ոչինչ հասկանալ հնարավոր չէ։
Մասնավորապես նշվում է, թե կողմերը շարունակել են սահմանազատման հարցերի քննարկումը, անդրադարձել են կազմակերպչական և ընթացակարգային մի շարք հարցերի, նախնական համաձայնացրել են հանձնաժողովների միջև նիստերի և համատեղ աշխատանքների, հանդիպումների անցկացման աշխատակարգի տեքստը։ Պայմանավորվել են սկսել համատեղ գործունեության վերաբերյալ կանոնակարգի նախագծի համաձայնության աշխատանքները, նաև նախանշել հանձնաժողովների հաջորդ հանդիպման անցկացման ամսաթիվն ու վայրը։ Մեկ պարբերությամբ ասած պայմանավորվել են պայմանավորվածությունների վերաբերյալ, ոչ մի այլ մանրամասն, հատկապես անկլավների թեման, որ պարբերաբար բարձրացնում է Ադրբեջանը, ինչպես նաև սահմանային բլուրների մասով, որևէ տեղեկություն չկա, այդ կերպ հանրությանը կրկին թողնում են անորոշության մեջ։
Նշենք, որ Ադրբեջանը պահանջում է իրեն վերադարձնել 8 գյուղ, որոնցից մեկը գտնվում է Վայոց ձորի մարզում՝ Տիգրանաշենը և մնացած 7-ը՝ Տավուշի մարզում։ Հայաստանի իշխանությունները երկար չեմուչումից հետո վերջնականապես հաստատել են, որ անկլավների թեման քննարկվում է, մյուս կողմից էլ Հայաստանը պահանջում է Արծվաշենը։ «Ադրբեջանական» 8 գյուղերի մակերեսը գրեթե հավասար է Արծվաշենի մակերեսին, սակայն կա մի չափազանց կարևոր հանգամանք։ Արծվաշեն հասնելու համար հայկական կողմը լուրջ բարդությունների է առնչվելու, քանի որ Արծվաշենը գտնվում է հարթավայրային տարածքում և Հայաստանին անցնելու փոխարեն նույնիսկ այն պաշտպանելը գրեթե անհնար կլինի, ուստի և չափազանց բարդ է լինելու արծվաշենցիներին համոզել վերադառնալ իրենց բնակավայրեր, իսկ թե՛ Տիգրանաշենը և թե՛ Տավուշի մարզում գտնվող գյուղերը ռազմավարական առանցքային նշանակություն ունեն և ադրբեջանցիներին հանձնելու դեպքում դրանք պարզապես վերահսկելու են միջպետական մայրուղիները՝ անմիջական սպառնալիք դառնալով Հայաստանի գլխին։
Կարինե Մելիքյան
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
