Փաշինյանի և Ալիևի «սինխրոնը»
Նիկոլ Փաշինյանի բազմաժամանոց հեռուստատեսային հարց ու պատասխանին հանգամանալից անդրադառնալու մեծ ցանկություն չունենք, այնուամենայնիվ, դրա մի քանի դրվագներ ինքնին արտառոց են ու չեն կարող դուրս գտնվել մեր ուշադրությունից:
Օրինակ, Փաշինյանն ասել է, թե 2018-ի հեղափոխությունը, որ չլիներ, ՀՀ-ն հիմա անկախ պետություն դառնալու շանս չէր ունենա:
Նախ արձանագրենք, որ Հայաստանի գործող վարչապետի ամենամեծ ողբերգությունն այն է, որ նման զգայուն թեմայի նա անդրադառնում է բացառապես ներքաղաքական հաշվարկներից ելնելով, նախկին նախագահներին վարկաբեկելու անթաքույց նպատակով:
Փաշինյանի տրամաբանությունն այնքան խոցելի է, որ ավելորդ է անգամ քաղաքական լուրջ անալիզով դրան անդրադառնալը:
Այնուամենայնիվ, նկատենք, որ պատերազմում հաղթանակը, ըստ Փաշինյանի, անկախ պետության հատկանիշ չէ, ու հակառակը, «անկախականության» «փայլուն» դրսևորումներ են արկածախնդիր քաղաքականությամբ երկիրը պատերազմի տանելը, ազգային աղետ բերելը, Արցախ կործանելը:
Ի դեպ, վերջին ամիսներին կայուն մի միտում է նկատվում․ Փաշինյանն ու Ալիևը «սինխրոն» են խոսում՝ նույն օրը: Կա՛մ Փաշինյանը գեներացնում է ադրբեջանական թեզեր, կա՛մ էլ այնպիսի մի միտք է արտահայտում, որը հեշտությամբ հակադարձվում է Ալիևի կողմից:
Ձախողված, կախյալ, իր տերերին ծառայող, խոշոր պետությունների միջև առճակատման հարթակի վերածված և միանգամից երկու աթոռի վրա նստող. Իլհամ Ալիևի գնահատականներն են Փաշինյանի «ինքնիշխանական» քաղաքականությանը, որոնք նա հնչեցրել է իր տնտեսական դաշնակիցների հետ Բաքվում տեղի ունեցած հանդիպմանը:
Այս դեպքում ձեռնպահ մնանք Ալիևի ասածը մեկնաբանելուց՝ Հայաստանի վարչապետի և Ադրբեջանի նախագահի խոսքերի համեմատությունը, դրանցից յուրաքանչյուրի օբյեկտիվության գնահատականը թողնելով մեր ժողովրդին:
Կամ ի՞նչ է նշանակում Փաշինյանի մտքի հերթական «գլուխգործոցը» ԼՂ խնդրի մասին: Նա ասել է, թե ԼՂ-ի լուծարումը տեղի է ունեցել 2016-ի օգոստոսին:
Ընդամենը մի քանի օր առաջ Փաշինյանն ասել էր, թե ԼՂ խնդիրը փակվել է դեռ 1996-ին
Հիմա, Ղարաբաղը 1991-ի՞ն, 1996-ի՞ն, թե՞ 2016-ին ենք կորցրել: Զուր մի՛ չարչարվեք․ նշված տարբերակներից որևէ մեկն իրական չէ. ԼՂ թեման փակել է հենց Նիկոլ Փաշինյանը Պրահայի 2022թ-ի հոկտեմբեր 6-ի քառակողմ հայտարարությամբ:
Վահրամ Բագրատյան
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
Когда дети становятся частью пропаганды: «невинный разговор» или?... «Паст»
Региональные «экскурсии» Пашиняна проходят на полупустых улицах: «Паст»
