Հայաստանը վերջնականապես չի փակում դուռը ՀԱՊԿ-ի համար
Մինսկում երեկ կայացել է ՀԱՊԿ գագաթնաժողովը, որին ինչպես ավելի վաղ հաղորդվել էր չի մասնակցել Հայաստանը։ Ընդհանուր առմամբ գագաթնաժողովին Հայաստանին անդրադարձն այնքան էլ մեծ չի եղել, միայն Բելառուսի նախագահ Ալեքսանդր Լուկաշենկոն է հայտարարել, թե խնդիրներ կան և այդ խնդիրները պետք է լուծել բանակցությունների սեղանին, այլ ոչ դեմարշներով։ Միաժամանակ Ռուսաստանի իշխանության տարբեր ներկայացուցիչներ դրական տենդենցներ են տեսնում՝ նշելով, որ Հայաստանը չմասնակցելով հանդերձ, չի արգելափակել ՀԱՊԿ որևէ որոշում, ինչը չափազանց դրական է գնահատվել գործընկերների կողմից, միաժամանակ հարուցել հայաստանյան արևմտամետ որոշ զանգվածների բուռն դժգոհությունը, որոնք ակնկալում էին, որ գործող վարչախումբը՝ Նիկոլ Փաշինյանի գլխավորությամբ, կգնա մինչև վերջ և կխզի հարաբերությունները Հավաքական անվտանգության պայմանագրի հետ։
Փաստացի, Փաշինյանը և իր պաշտոնյաները ՀԱՊԿ-ի հետ առնչություններում ընդամենը խոսում են մանր շանտաժի լեզվով և գիտեն իրենց առավելագույն սահմանը, որպեսզի չհասցնեն խնդիրների և Ռուսաստանն էլ գնահատել է այս հանգամանքը, մասնավորապես Վլադիմիր Պուտինի մամուլի քարտուղար Դմիտրի Պեսկովը՝ ափսոսանք հայտնելով ՀԱՊԿ գագաթնաժողովին Հայաստանի չմասնակցելու հանգամանքով, նշել է թե Հայաստանը շարունակում է մնալ Ռուսաստանի դաշնակիցն ու բարեկամը և նրա հետ խոսակցությունը շարունակվելու է։ Նույն տոնայնության մեջ եղել է նաև Ռուսաստանի ԱԳՆ խոսնակ Մարիա Զախարովայի գնահատականը։
Առաջիկա օրերին Երևան է ժամանելու ՀԱՊԿ գլխավոր քարտուղար Իմանգալի Տասմագամբետովը, որը Հայաստանին ներկայացնելու է կայացված որոշումները և դրանց ընթացքը։
Հայաստանի ԱԳՆ-ից հայտարարել են, թե կդիտարկեն ՀԱՊԿ կանոնադրական մարմինների նստաշրջանի արդյունքներով ընդունված փաստաթղթերը և, հաշվի առնելով առկա ընթացակարգերը, դրանց Հայաստանի կողմից միանալու հարցը։
Աննա Մխիթարյան
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
