Շվեյցարիայում դեմ են քվեարկել արևային էներգիայի լեռնային նախագծին
Շվեյցարիայի Վալե կանտոնում ընտրողները դեմ են արտահայտվել արևային էներգիայի ընդլայնմանը։ Օրերս կայացած հանրաքվեում, որին ցածր՝ 35,72 տոկոս մասնակցություն է գրանցվել, ընտրողների 54 տոկոսը դեմ է արտահայտվել նախագծին։ Հանրաքվեում որոշում էին՝ արդյո՞ք պետք է արագացնել լեռներում այսպես կոչված արևային ֆերմաների կամ արևային վահանակների պարկերի շինարարությունը և շահագործման հանձնումը։
Բարձրլեռնային գոտիներում տեղադրված արևային վահանակներն ի վիճակի են արտադրել լրացուցիչ էներգիայի ավելորդ ծավալներ, հատկապես ձմեռային պայմաններում։ Նման նախագծերի կողմնակիցները պնդում են, որ բարձրլեռներում տեղադրված արևային վահանակները չափազանց կարևոր են երկրի էներգախնայողության և էներգետիկ անվտանգության համար։ Նախագծերը նույնիսկ հակառակորդներ ունեին, որոնք առաջին հերթին բնապահպանական շարժումներն են և խմբերը՝ նշելով, որ նման արևային պարկերը լուրջ վնաս են հասցնում փխրուն լեռնային էկո սֆերային։
Իհարկե սա ընդամենը մեկ նահանգի մակարդակով իրականացվող քվեարկություն է, սակայն կարող է նախադեպային լուրջ որոշում դառնալ Եվրամիության համար։ Հանրաքվեն նախաձեռնել է «Կանաչների կուսակցությունը», «Պրոնատուրա» բնապահմանական ասոցիացիան և ևս 7 կազմակերպություններ, որոնք դեմ են արտահայտվել այս տարվա փետրվարին կանտոնի խորհրդարանի կողմից ընդունված որոշմանը՝ բյուրոկրատական խոչընդոտները վերացնելու և լեռներում արևային վահանակներ տեղադրելու թույլտվությունների արագացման կապակցությամբ։ Մասնագետները նշում են, որ այս հանրաքվեն կարող է լուրջ խոչընդոտ լինել բարձրլեռնային տարածքներում արևային էներգիայի զարգացման գործում, ուստի Եվրամիությունը պետք է նոր ռազմավարություն որդեգրի, եթե ուզում է նվազեցնել էներգետիկ կախվածությունը։ Հանրաքվեն էական էր նրանով, որ լուրջ օրենսդրական փոփոխություններ կարող է հարուցել ամբողջ Եվրոպայի համար։
Հայաստանում արևային վահանակներ արտադրող մեկ ընկերություն կա՝ «Սոլարոնը»։
Սաթինե Սարգսյան
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Украина ударила беспилотниками по химическому заводу в Тольятти
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Bloomberg: Израиль хочет построить базу в Сомалиленде
