Զգալով մոտալուտ պարտությունը, իշխանությունը դրսևորում է բացառիկ հակաօրինական և ներվային վարքագիծ. Մանե Թանդիլյան
«Ապրելու Երկիր» կուսակցության նախագահ Մանե Թանդիլյանը ֆեյսբուքյան իր էջում գրել է․
Սիրելի երևանցիներ,Առաջիկա ընտրություններում զգալով մոտալուտ պարտությունը, իշխանությունը դրսևորում է բացառիկ հակաօրինական և ներվային վարքագիծ։ Քարոզարշավի առաջին օրից կիրառելով վարչական ռեսուրս՝ պարտադրում է հանդիպումների մասնակցել ոչ միայն քաղաքապետարանի ենթակայության տակ գտնվող հիմնարկների աշխատակիցներին, այլ նաև պետական այլ կառույցների։
Տարածաշրջանի ամենամարտունակ ֆեյքային բանակին տիրապետող իշխանությունը, ինչպես և սպասվում էր, ստի և կեղծիքի, ատելության և լկտիության աննախադեպ դրսևորմամբ իրականացնում է հակաքարոզ «Ապրելու երկիր» կուսակցության և այլ ընդդիմադիր ուժերի նկատմամբ։ Իսկ իշխանական լրատվամիջոցները, ներառյալ հանրային հեռուսատեսությունը, թքած ունեն Ընտրական օրենսգրքի պահաջների վրա։
Վերջին օրերին ամեն պատից կախված Ավինյանի նկարները չտեսության մանկական դրսևորումներ են, որոնց վրա կարելի է միայն ծիծաղել և ինչպես ասում է մեր շտաբի պետը՝ «էս չեք, արա»։ Նախկին իշխանությունների «լավագույն բարքերը» սերտած իշխանությունները թաղային ընտրական ձեռներեցների հետ միասին, փորձում են վերարտադրվել։
Սիրելի երևանցիներ, այս ամենը մեզ համար, ի սկզբանե, եղել է կանխատեսելի, այնպես, ինչպես մարզային ընտրությունների ժամանակ, և մենք գիտենք ինչպես հաղթել իշխանություններին։
Վստահ եղեք` «Ապրելու երկիր» կուսակցության ռեսուրսները ամբողջովին բավարար են, այս ամենի շրջանակներում, արձանագրել երևանցիների հաղթանակը՝ ընտրությունների արդյունքների միջոցով։ Հանկարծ չմտածեք, որ ընտրությունների արդյունքները իշխանություններն են որոշում և որ ընտրությունների գնալը անիմաստ է։ Մենք արձանագրել ենք մեր հաղթանակները տարբեր համայնքներում, իսկ Տաթև համայնքում իշխանությանը հաղթել ենք ընդամենը մեկ ձայնով՝ մեկ ընտրողի շնորհիվ։
Հետևաբար, ես ձեզ մեր թիմի անունից վստահեցնում եմ․ մենք արձանագրելու ենք ձեր կատարած ընտրությունների արդյունքները՝ առանց որևէ շեղման։
Անպայման գնացեք ընտրության, մնացածը՝ թողեք մեզ, որովհետև մենք գիտենք ինչպես։
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
