Արամ Խաչատրյանի 120-ամյակը մեծ շուքով կնշվի նաև Ստամբուլում
Սևծովյան տնտեսական համագործակցության կազմակերպության (ՍՏՀԿ) Ստամբուլում տեղակայված ՀՀ ներկայացուցչության նախաձեռնությամբ առաջիկա օրերին քաղաքում նշվելու է աշխարհահռչակ կոմպոզիտոր Արամ Խաչատրյանի ծննդյան 120-ամյակը։
Ինչպես տեղեկացնում է «Արմենպրեսը»-ը՝վկայակոչելով Ստամբուլում լույս տեսնող «Ժամանակ» օրաթերթի համապատասխան հրապարակումը, սա իր բնույթով արդեն միջազգային հոբելյան է, քանի որ ընդգրկված է ՅՈՒՆԵՍԿՕ-ի օրացույցի մեջ։
Նախագծի իրականացման պատասխանատուներից է ՍՏՀԿ-ում ՀՀ մշտական ներկայացուցիչ Սահակ Սարգսյանը։ Նախկինում մեր ներկայացուցչությունը Ստամբուլում կազմակերպել է երկու կարևոր համերգ։ Առաջինը նվիրված էր Հայաստանի անկախության 25-ամյակին, իսկ երկրորդը՝ ՀՀ մշտական ներկայացուցչության հիմնադրման 30-ամյակին։ Արամ Խաչարյանի 120-ամյակին նվիրված մոտալուտ համերգը համալրելու է այս շարքը։ Հայաստանի ներկայացուցչությունն այս հոբելյանը կազմակերպելու համար համագործակցել է Երևանի Արամ Խաչատրյանի տուն-թանգարանի, Ստամբուլի Ֆիլհարմոնիկ միության և «Բերա» թանգարանի հետ։
Մեր ներկայացուցչությունը ծրագրի շրջանակում համագործակցում է նաև մեծանուն դաշնակահար Շահան Արծրունու հետ, ով մեծապես նպաստում է նախագծի իրականացմանն իր խորհուրդներով և ցուցումներով։ Նա ամբողջ աշխարհում հայտնի է հենց Արամ Խաչատրյանի ստեղծագործությունների անզուգական կատարմամբ և ակտիվորեն համագործակցում է Երևանի Արամ Խաչատրյանի տուն-թանգարանի հետ։ ՍՏՀԿ-ում Հայաստանի մշտական ներկայացուցիչ Սահակ Սարգսյանը ԱՄՆ-ում պաշտոնավարելու տարիներին ծանոթացել է Շահան Արծրունու հետ, ականատես եղել նրա գործունեությանը, ուստի այդ հանգամանքը ծառայեցնում է Ստամբուլում նախատեսված կարևոր ծրագրի իրականացմանը, որը բաղկացած է երկու փուլից։
Նախ սեպտեմբերի 21-ին, ժամը 19.30-ին տեղի կունենա մեծ համերգ, որին կմասնակցեն Երևանից ժամանած «Խաչատրյան» եռյակը և Ստամբուլի Ֆիլհարմոնիկ միության նվագախումբը։ Ներկաները հնարավորություն կունենան նաև դիտելու շատ հատկանշական ֆիլմ, որը պատրաստվել է Արամ Խաչատրյանի տուն-թանգարանի նախաձեռնությամբ և ներկայացնում է հռչակավոր վարպետի արտասահմանյան շրջագայությունները։ Համերգի մուտքն անվճար է։ Երաժշտասերները հնարավորություն կունենան ըմբոշխնելու Արամ Խաչատրյանի արվեստը, հաղորդակից կդառնան նրա երաժշտությանը։
Հարկ է նշել, որ Հայաստանի ներկայացուցչությունը պատշաճ կերպով իրականացրել է համապատասխան կազմակերչպական աշխատանքը պատկան բոլոր մարմինների հետ։ Նախաձեռնության հաջողության գրավականներից մեկն էլ այն է, որ Ստամբուլի Ֆիլհարմոնիկ միության ղեկավարներից է մեներգիչ Արթուր Բաղդասարյանը, որ Երևանի Պետական երաժշտանոցի շրջանավարտներից է ու ներգրավված է կազմակերպչական աշխատանքներում։
Արամ Խաչատրյանի 120-ամյակի առթիվ ծրագրված համերգից բացի, նախատեսված է նաև ասուլիս, որը պետք է վարի «Ժամանակ» օրաթերթի գլխավոր խմբագիր Արա Գոչունյանը։ Ասուլիսի վերջում Շահան Արծրունին ներկաների համար կատարելու է Արամ Խաչատրյանի ստեղծագործություններից մեկը, ինչն, ըստ կազմակերպիչների, մեծանուն կոմպոզիտորի արվեստի հետ կենդանի շփում ապահովելու հնարավորություն կընձեռի։ Սահակ Սարգսյանը տոնակատարությանն ընդառաջ այցելել է Հայոց Պատրիարք Սահակ արքեպիսկոպոս Մաշալյանին, ով իր օրհնությունն է փոխանցել հոբելյանական ծրագրի առթիվ։
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
