Արտակարգ դեպք՝ Երևանում. վիճաբանությունն ավարտվել է սպանությամբ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ՝ օգոստոսի 10-ին, սպանություն է տեղի ունեցել Երևանում։ Ժամը 23։25-ի սահմաններում ՀՀ Ներքին գործերի նախարարության Ոսռտիկանության Արաբկիրի բաժնում օպերատիվ տեղեկություններ են ստացվել, որ ժողովրդին հայտնի «Մերգելյանի» պուրակում վիճաբանություն է տեղի ունեցել և կա վիրավոր։
Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են ՀՀ Ներքին գործերի նախարարության Ոստիկանության Երևան քաղաքի վարչության պետ, Ոստիկանության գեներալ-մայոր Սևան Քոչարյանը, վարչության պետի օպերատիվ գծով տեղակալ Խորեն Բարխոյանը, Ոստիկանության Արաբկիրի բաժնի պետ Ռուբեն Ներսիսյանն ու բաժնի պետի օպերատիվ գծով տեղակալ Սերգեյ Մամիկոնյանը։
Օպերատիվորեն ժամանել են նաև Հայաստանի Քննչական կոմիտեի Երևան քաղաքի քննչական վարչության Արաբկիրի քննչական բաժնի խումբը՝ բաժնի պետ Հրաչ Ղազարյանի, ավագ քննիչ Էդգար Այվազյանի և քննիչ Հայկ Սիմոնյանի գլխավորությամբ։
Մինչ ոստիկաններն ու քննիչները դեպքի վայրում աշխատում էին, «Արմենիա» բժշկական կենտրոնից Ոստիկանության Արաբկիրի բաժին ահազանգ է ստացվել, որ «կրծքավանդակի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի, ով գիտակցության չգալով՝ մահացել է։
Հիվանդանոց մեկնած ոստիկաններն ու քննիչները պարզել են, որ մահացածը Երևանի բնակիչ, 37-ամյա Արմեն Հակոբյանն է։
Ոստիկանության Երևան քաղաքի վարչության քրեական հետախուզության բաժնի, Ոստիկանության Արաբկիրի բաժնի քրեական հետախուզության բաժանմունքի ծառայողները, ձեռնարկելով անհրաժեշտ օպերատիվ հետախուզական միջոցառումներ, պարզել են, որ նույն օրը՝ ժամը 23։10-ի սահմաններում «Մերգելյանի» պուրակում անձնական հարցերի շուրջ վիճաբանություն է տեղի ունեցել մահացածի և Երևանի բնակիչ, 25-ամյա Դավիթ Գ․-ի միջև, որի ժամանակ վերջինս դանակով հարվածել է Ա․ Հակոբյանի կրծքավանդակին, ինչն էլ դարձել է մահվան պատճառ։
Ոստիկաններն ու ապա նրանց միացած ՀՀ ՆԳՆ Ոստիկանության Պարեկային ծառայության Երևան քաղաքի գնդի 1-ին գումարտակի 3-րդ վաշտի պարեկները՝ գնդի հրամանատար Անդրանիկ Իսախանյանի, գումարտակի հրամանատար Արամ Դադոյանի և գնդի ծառայության տեսուչ Ալեքսան Ալեքսանյանի գլխավորությամբ, տաք հետքերով հայտնաբերել են կասկածյալ Դ․ Գրիգորյանին հենց «Մերգելյանի» պուրակում, ապա կասկածանքով տեղափոխել Ոստիկանության Արաբկիրի բաժին։
Գ․ Շամշյանի տեղեկություններով՝ անձնական խուզարկությամբ նրա մոտ հայտնաբերել են հանցագործության գործիք դանակը։
Դ․ Գրիգորյանն ու նրա վերաբերյալ կազմված փաստաթղթերն ու հանցագործության գործիք դանակը Արաբկիրի ոստիկանները ներկայացրել են Արաբկիրի քննչական բաժին, որտեղ դեպքի փաստով սպանություն հատկանիշներով նախաձեռնվել է քրեական վարույթ։
Լուսանկարները և տեսանյութը՝ Գագիկ Շամշյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
