Գերմանական փորձը և հայկական արևը. Վահանակներ՝ դաշտերի վրա
Հայաստանի Կառավարությունն իր երեկվա նիստում հավանություն է տվել Հայաստանի և Գերմանիայի կառավարությունների միջև 2022 թվականի ֆինանսական համագործակցության մասին համաձայնագրին, որով ապահովում է համապատասխան իրավական շրջանակ՝ Հայաստանում արևային էներգիայի զարգացման ուղղությամբ։
Գերմանական մասնագետները փորձում են Հայաստանում ներգրավվել արևային էներգետիակայի ոլորտում, և նաև տեղեկություն տարածվեց՝ գերմանացի մասնագետները մտադիր են Հայաստանում փորձարկել խաղողի այգիններում արևային վահանակների աշխատանքը։
Գերմանիայի Գայմեն Հազի համալսարանի գինու միջազգային մարկետինգի պրոֆեսոր Յոն Հանֆը հայտարարել է, թե արևային վահանակները տեղադրվելու են այգիների վրա՝ անմիջապես վանդակաճաղերի վրա։ Որքան էլ անսովոր հնչի, բայց գերմանացի մասնագետների կարծիքով երբեմն խաղողը կարող է ավելի շատ արև ստանալ, քան անհրաժեշտ է, ինչը կարող է վնասել դրան, իսկ արևային վահանակները կարող են թե՛ բնական արգելք հանդիսանալ ավելորդ արևի ու կարկուտի դեմ, թե՛ նաև մեծ քանակությամբ էներգիա արտադրել։
Եվրոպան վերջին շրջանում լրջորեն զարկ է տալիս արևային էներգիայի արտադրությանը՝ այդ կերպ նվազեցնելով իր կախվածությունը Ռուսաստանից։ Էներգետիկան քաղաքական լրջագույն գործոն է դարձել արդեն 20-րդ դարում, իսկ 21-րդ դարում իրավիճակը հատկապես սրվել է։ Եվ այժմ Հայաստանին օգնելով՝ Եվրոպան նաև փորձում է նվազեցնել Հայաստանի ոչ միայն էներգետիկ, այլ նաև քաղաքական կախվածությունը, ինչը, փաստենք, չափազանց դրական կլինի։
Մեր երկիրը բավականին փոքր է և մեծ տարածություններ չունի արևային վահանակներ տեղադրելու համար, սակայն խաղողի և այլ դաշտերի վրա վահանակների տեղադրումը լուրջ զարգացում է ապրում եվրոպայում և այս փորձը կարելի է ներդնել նաև Հայաստանում։
Ի դեպ Հայաստանում արևային վահանակներ արտադրող մեկ ընկերություն կա՝ «Սոլարոնը»։
Ալլա Ղազինյան
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Саммит хромых уток в Ереване
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
«След» Курдистана в списке «Республики»: кто такой Роман Мурадян? «Паст»
Le Figaro: Европа рискует пожертвовать демократией в Армении ради геополитики
Кая Каллас прибыла в Азербайджан
В НАТО заявили, что решение США о выводе войск из ФРГ не повлияет на возможности альянса
Euobserver: Армения стремится занять место в очереди на вступление в ЕС на фоне геополитической нест...
