Ոմանք այստեղ սիրահարվել են, որոշներն ամուսնացել են․ երևանցիներին վերադարձվում են իրենց լավագույն հուշերը․ Մանե Թանդիլյան
«Ապրելու Երկիր» կուսակցության նախաձեռնությամբ տեղի է ունեցել Երևանի խորհրդանիշ Երիտասարդության պալատի շնորհանդեսը։ Երևանի ամենաերիտասարդական խորհրդանիշի՝ Երիտասարդության պալատի վերականգնման նախագիծն իրականացնում են «Ապրելու երկիր» կուսակցությունն ու «Արթուր Թարխանյան» կենտրոնը։
«Վերջին օրերին և տարիներին մենք լավ լուրեր քիչ ենք ստանում, բաց ես այսօր լավ լուր ունեմ․ մեր սիրելի Երիտասարդության պալատը՝ «Կուկուռուզնիկը» վերադառնում է Երևան։ Ասել է թե՝ երևանցիներին վերադարձվում են իրենց լավագույն, նվիրական հուշերը։ Ոմանք այստեղ սիրահարվել են, որոշներն այստեղ ամուսնացել են, եղել են մարդիկ, ովքեր այստեղ լողի են գնացել, եղել են մարդիկ, ովքեր առաջին անգամ ռոք են լսել այստեղ, եղել են մարդիկ, ովքեր այստեղ ապրել են, ինչպես, օրինակ ես։ Այո, Երիտասարդության պալատը սիրել են շատ շատերը, որոշները չեն սիրել, բայց որևէ մեկին այս կառույցն անտարբեր չի թողել։ Ցավում եմ, որ չսիրողներից որոշներն ունեցել եննաև իշխանություն և կայացրել են որոշումներ, որ չես կարող չափել, թե այդ ինչքան պիտի չսիրես երևանցիներին ու Երևանը, որպեսզի հայ մտքի, հայ ճարտարապետության այս փառահեղ կոթողը երևանցիների աչքի առջև ոչնչացնես, կոտրես ողնաշարը երևանցիների։ Բայց մենք կարող ենք ուղղել այդ սխալները։ Եվ մենք այսօր խոսում ենք դրականի մասին, որովհետև մեզ ընձեռնված է վերականգնելու Երիտասարդության պալատը և վերադարձնելու երևանցիներին իրենց խոցված արժանապատվությունը»,- իր ելույթում ասաց «Ապրելու երկիր» կուսակցության նախագահ Մանե Թանդիլյանը։
Թանդիլյանը շնորհակալություն հայտնեց Անահիտ Թարխանյանին, որ պահպանել է այդ գլուխգործոց նախագծերը, այն հարստացրել է իր տաղանդավոր թիմով և վստահել է «Ապրելու երկիր» կուսակցության թիմին պատիվը՝ երևանցիներին վերադարձնել իրենց երիտասարդ տարիների հիշողությունը։ «Եվ մենք ամենայն պատասխանատվությամբ լծվելու ենք դրա վերականգնմանը, դրան նոր շուք հաղորդելուն և այլևս վերջնական երևանյան ամենահայտնի խորհրդանիշը դարձնելու բոլորի հիշողությունների մեջ։ Սա այն առաջարկներից առաջինն է, որը մենք անում ենք երևանցիներին և որից նրանք չեն կարող հրաժարվել։ Գալդ բարի Երևան, սիրելի «Կուկուռուզնիկ»»,- եզրափակեց խոսքը Մանե Թանդիլյանը։
Обновленный Центр продаж и обслуживания Ucom открылся на улице Саят-Нова 7 в Гюмри
Предатель в одном прав: если народу что-то не нравится, пусть делают революцию. Аршак Карапетян
Ucom представляет специальное предложение «Unity — снова в школу» к новому учебному году
Кто на самом деле предатель. Раскрытие генерала Карапетян
История покажет, кто друг, а кто враг. Аршак Карапетян
Ответье честно на эти вопросы. Аршак Карапетян
Поздравительное письмо Его Святейшеству Гарегину II с 75-летием
Арам Барсегян назначен генеральным директором Team Telecom Armenia, Айк Есаян возглавит группу ком...
«Юниспорт» примет участие в Лиге чемпионов УЕФА по футзалу
Ucom представляет тарифные планы Green, превращая повседневную связь во вклад в защиту окружающей ср...
