Շիրակի մարզում մեկնարկեց Կապսի ջրամբարի կառուցումը, այն կտևի 3 տարի
Շիրակի մարզպետ Մուշեղ Մուրադյանն այսօր մասնակցել է Գերմանիայի ֆինանսական համագործակցությամբ KFW բանկի վարկային միջոցներով և ՀՀ կառավարության համաֆինանսավորմամբ իրականացվող Կապսի ջրամբարի և օժանդակ կառուցվածքների կառուցման հիմնարկեքի պաշտոնական արարողությանը, որին ներկան են գտնվել ՀՀ փոխվարչապետ Տիգրան Խաչատրյանը, Տարածքային կառավարման և ենթակառուցվածքների նախարար Գնել Սանոսյանը, ՀՀ-ում Գերմանիայի Դաշնային Հանրապետության և Չինաստանի ժողովրդական Հանրապետության արտակարգ և լիազոր դեսպանները, ՀՀ ազգային ժողովի պատգամավորներ Կարեն Սարուխանյանը, Էմմա Պալյանը, Հայաստանի տարածքային զարգացման հիմնադրամի, KFW բանկի, շինարարական և վերահսկող կազմակերպությունների ներկայացուցիչներ։
Գյումրի քաղաքից 22 կմ դեպի հյուսիս՝ Ախուրյանի գետահովտում գտնվող Կապսի ջրամբարի շինարարական աշխատանքների մեկնարկը տրվել էր 1985 թվականին: 1988 թվականի երկրաշարժից հետո աշխատանքներն առ ժամանակ դադարեցվել էին, իսկ 1993 թվականից՝ ընդհանրապես կասեցվել։ Հայաստանի տարածքային զարգացման հիմնադրամի հետ 2023 թվականի ապրիլի 21-ին կնքվել է Կապսի ջրամբարի և օժանդակ կառուցվածքների ծրագրի շինարարության համաձայնագիրը։ Ծրագրի ընդհանուր բյուջեն կազմում է 95,2 միլիոն եվրո, որից 68,5 եվրոն վարկային միջոցներ են՝ ներգրավված KFW բանկից, մնացածը ՀՀ կառավարության համաֆինասավորումն է։
Համապետական կարևոր նշանակություն ունեցող Կապսի ջրամբարի կառուցման նպատակը Շիրակի մարզում Ախուրյան գետի սահմանափակ ջրային ռեսուրսների կայուն օգտագործմանը նպաստելն է:
Նշենք, որ ծրագրի իրականացման արդյունքում կբարձրացվի Շիրակի մայր և Ախուրյանի աջափնյա ջրանցքների և շուրջ 17000 հա հողատարածքների ջրապահովվածության մակարդակը։ Բացի այդ, հնարավորություն կստեղծվի 2280 հա հողատարածքների մեխանիկական ոռոգումը փոխարինել ինքնահոս ոռոգման եղանակի՝ տարեկան խնայելով 1,3 մլն կվտ/ժամ էլեկտրաէներգիա։ Ջրամբարի շինարարությամբ պայմանավորված Ջրաձոր գյուղի բնակչության համար կկառուցվի նոր բնակավայր ջրամբարի հարևանությամբ:
Հիմնարկեքի արարողությունից հետո մասնակիցներին ներկայացվել է տեղեկատվություն Կապսի ջրամբարի և նոր Ջրաձոր գյուղի կառուցման մասին։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
