Բացելու ենք մեր նոր հաղթանակների ճանապարհը. «Համախմբում»
Սիրելի՛ հայրենակիցներ,
Մեծ Հայրենական պատերազմում մեր պապերի տարած հաղթանակը, Շուշիի հերոսական ազատագրումն ու հայ ազատամարտիկների սխրանքներն Արցախյան առաջին պատերազմում մեր բազմադարյա պատմության փառահեղ հերոսական էջերից են։
Մայիսյան Եռատոնի հաղթանակներն մոտ անցյալից մեզ հղված այն կենդանի պատգամն են, որ պայքարող հայ ժողովուրդը կարող է անել անհնարինը՝ իր ուժերին հավատալով, համախմբվելով և հաղթելու վճռականություն ցուցաբերելով։
Մենք կրում ենք այդ կենդանի պատգամը, և հավատում ենք մեր նոր հաղթանակներին։ Մեր ժողովուրդը չի ընդունել և չի ընդունելու իրեն պարտադրվող պարտվողական օրակարգը, մեր մոտ չի մարել պայքարի ոգին, իսկական հայն այսօր էլ մարտական է տրամադրված՝ կանխելու նոր կապիտուլացիան և ցեղասպանությունը:
Մենք համոզված ենք, որ պայքարելու այս վճռականությամբ բացելու ենք մեր նոր հաղթանակների ճանապարհը։ Պետք է գիտակցենք նաև, որ այս ճանապարհը բարդ է և դժվարություններով լի, սակայն յուրաքանչյուր արժանապատիվ հայ մարդ պետք է ունենա պատասխանատվության իր բաժինը հայոց պետության հարատևության, Արցախի ազատության և իր պատմական հայրենիքում հայ ժողովրդի անվտանգ և արժանապատիվ կյանքի համար:
Այսօր շրջափակված Արցախը թշնամուն արժանապատիվ դիմադրության կենդանի օրինակ է: Եղբայրական ողջույն ենք հղում Մայիսյան եռատոնի կապակցությամբ Ստեփանակերտում հանրահավաքի եկող մեր բոլոր հայրենակիցներին, և աննահանջ սատարում նրանց պայքարին:
Ջերմորեն շնորհավորում ենք նաև մեր բոլոր հայրենակիցներին, հայրենիքում և սփյուռքում՝ Մայիսյան փառապանծ եռատոնի կապակցությամբ, ցանկանում բոլորիս աննկուն կամք, վճռականություն և տոկունություն՝ հաղթահարելու մեր պատմության այս դժվարին շրջանը, և միասին կերտելու մեր նոր հաղթանակները:
«Համախմբում» շարժման խորհուրդ
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
