Մենք ձևավորելու ենք այն առաջարկը, որը երևանցին չի մերժելու․ Մանե Թանդիլյան
Տեղի է ունեցել «Ապրելու երկիր» կուսակցության անդամների, համայնքային կառույցների ղեկավարների և համակիրների կազմով հանդիպում։
Կուսակցության ղեկավարությունը նախևառաջ ներկայացրել է քաղաքական ուժի դիրքորոշումը Արցախի շուրջ ստեղծված իրավիճակի վերաբերյալ։
«Անկախ վերջին շրջանում Արցախի ներքաղաքական կյանքում տեղի ունեցած զարգացումներից, Արցախի իշխանությունների քայլերի նկատմամբ մեր բացասական վերաբերմունքից, «Ապրելու երկիր» կուսակցությունը շարունակելու է իր աջակցությունն ունենալ Արցախի սուբյեկտայնության բարձրացման ուղղությամբ։ Մենք մեր կապը երբեք Արցախի հետ չենք կտրելու, շարունակելու ենք պայքարել Արցախի շրջափակման դեմ, իսկ Բերձորի միջանցքը բացվելու պարագայում անընդհատ են լինելու մեր այցելություններն այնտեղ։ Արցախցիները պետք է իմանան, որ նրանք մենակ չեն»,- ասել է «Ապրելու երկիր» կուսակցության նախագահ Մանե Թանդիլյանը։
Կուսակցության համահիմնադիր Մեսրոպ Առաքելյանն էլ է կարևորել արցախցիների պայքարի ոգու ամրությունը հաստատուն պահելը։ «Արցախը հայկական կմնա, եթե այնտեղ հայ ապրի։ Քանի դեռ Արցախում հայ կա, Ադրբեջանի կողմից պարտադրված որևէ փաստաթուղթ կամ պայմանավորվածություն չի կարող ուժ ունենալ։ Ամեն ինչ պետք է անենք Արցախը հայկական պահելու, Արցախի անկախության ճանաչմանը հասնելու համար»,- ասել է նա։
Հավաքին քննարկվել են նաև կուսակցության ծրագրերը և քաղաքական գործընթացների վերաբերյալ մոտեցումները։ Առաջնային է համարվել Երևանի ընտրություններին կուսակցության մասնակցությունը։
Մեսրոպ Առաքելյանը նշել է, որ նախորդ տարիներին ՏԻՄ ընտրություններում կուսակցության գրանցած հաջողությունը վստահեցնում է, որ լավ աշխատանքի դեպքում «Ապրելու երկիր» կուսակցության հաղթանակն այլընտրանք չի ունենա։
Մանե Թանդիլյանն էլ ավելացրել է, որ Երևանի ընտրություններին պատրաստվելու ուղղությամբ աշխատանքներն արդեն սկսված են։
«Մենք պետք է երևանցուն ներկայանանք պրոֆեսիոնալ, վստահելի թիմով և լավագույն առաջարկով։ Այդ ուղղությամբ տարվում է շատ ակտիվ աշխատանք։ Վստահ ենք՝ մենք ձևավորելու ենք այն առաջարկը, որը երևանցին չի մերժելու»,- հայտարարել է կուսակցության նախագահը։
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
